Símtölum rignir yfir lögregluna vegna hjólreiðafólks

Ferðalag keppenda í WOW Cyclothon hjólreiðakeppninni sem nú stendur yfir hefur farið misvel í ökumenn. Lögreglan á Hvolsvelli hefur fengið mörg símtöl frá ósáttum ökumönnum. Kvarta þeir undan því að komast ekki leiðar sinnar og að keppendur loki þjóðveginum.

Lögreglan á Hvolsvelli vill beina þeim tilmælum til hjólreiðakappa sem staddir eru á Suðurlandi að taka tillit til almennrar umferðar á Suðurlandsvegi. Minnt er á að þjóðvegir á Suðurlandi séu frekar þröngir og best sé að finna afleggjara fyrir þjónustubíla hjólreiðafólksins til að stöðva á.