Neytendastofa hefur lagt stjórnvaldssekt á fataframleiðandann Drífu ehf sem nemur einni milljón króna. Stofnunin mat það svo að ullarvörur frá Icewear og Norwear, vörumerkjum sem heyra undir Drífu, væru merktar með villandi hætti.
Samtök Iðnaðarins kærðu merkingar Drífu til Neytendastofu í fyrra og komst stofnunin að þeirri niðurstöðu að merkingar á vörunum teldust villandi fyrir neytendur. Í tilkynningu Neytendastofu segir að merkingarnar væru taldar gefa til kynna að um íslenska vöru og íslenska framleiðslu væri að ræða, en þessar vörur eru framleiddar erlendis og úr erlendum afurðum.
Neytandastofa taldi að merkingarnar væru til þess fallnar að hafa áhrif á eftirspurn. Í kjölfar ákvörðunar Neytendastofu í ágúst í fyrr breytti Drífa ehf. merkingum sínum en við eftirgrennslan í verslunum í júlí kom í ljós að vörur Norwear höfðu verið merktar með villandi hætti að nýju. Neytendastofa segist í kjölfar þessa hafa talið nauðsynlegt að sekta félagið.
Sekta Drífu ehf um eina milljón króna

Tengdar fréttir

Icewear virðir ekki fyrirmæli og er nú undir eftirliti
"Sá mikli dráttur sem hefur orðið á meðferð málsins hjá Neytendastofu er óásættanlegur.“

Framleiddu útivistarfatnað og létu hann líta út fyrir að vera íslenskan
Neytendastofa hefur komist að þeirri niðurstöðu að fyrirtækið Drífa, sem selur meðal annars lopahúfur og vettlinga í verslunum víða um land undir vörumerkjunum ICEWEAR og NORWEAR, hafi brotið gegn lögum um eftirliti með viðskiptaháttum og markaðssetningu.