Saab of fjárvana til að fá greiðslustöðvun

Sænskir dómarar hafa neitað bílaframleiðandanum Saab um greiðslustöðvun á þeim forsendum að fyrirtækið búi ekki að nægum fjármunum til að fullnægja kröfum um greiðslustöðvun.

Það ætlar ekki að ganga af Saab þessa dagana en núverandi eigendur þess, National Elecrtic Vehicle Sweden AB  (NEVS) freista þess nú að sækja aukið fjármagn til rekstursins til að geta framleitt áfram einu bílgerð þess, Saab 9-3 sem síðan er meiningin að setja í rafmagnsdrifrás.

Fyrirtækið skuldar fjölmörgum íhlutasölum og getur ekki staðið í skilum án aukins fjármagns.  Alls eru birgjar Saab 900 talsins og ætla flestir þeirra að bíða eftir þeim viðræðum sem Saab á nú við aðila sem lagt gætu félaginu til fjármagn í skiptum fyrir eignarhald, en heyrst hefur að eitt þeirra sé indverski bílaframleiðandinn Mahindra & Mahindra.

Sumir birgjanna eru þó ekki á þeim buxunum og hafa farið fram á gjaldþrotaskipti.  Saab hyggst áfrýja úrskurðinum en það er járn í járn í stöðu Saab sem stendur, líkt og í bílum Saab.