Íslandsmeistararnir byrja á sigri | 46 stiga sigur Keflavíkur

Domino's deild kvenna í körfubolta hófst í kvöld með fjórum leikjum.

Liðin sem mættust í lokaúrslitunum í vor, Snæfell og Haukar, áttust við í Stykkishólmi, þar sem Snæfellskonur höfðu betur, 65-60.

Íslandsmeistararnir  leiddu í hálfleik með tveimur stigum, 28-26, en Haukakonur komu sterkar til leiks í seinni hálfleik. Þær unnu þriðja leikhluta með tíu stigum og leiddu með átta stigum, 39-47, fyrir lokaleikhlutann.

Þar sýndu Snæfellskonur styrk sinn og sóknarleikur liðsins fór í gang. Svo fór að Snæfell vann með fimm stigum, 65-60.

Kristen McCarthy skoraði 21 stig fyrir Íslandsmeistarana og tók sjö fráköst. Gunnhildur Gunnarsdóttir skoraði 17 stig og tók fjögur fráköst og fyrirliðinn Hildur Sigurðardóttir skoraði tíu stig, tók sex fráköst og gaf sjö stoðsendingar.

Lele Hardy var venju samkvæmt atkvæðamest í liði Hauka, en hún skoraði 24 stig, tók 19 fráköst og gaf níu stoðsendingar, en tapaði boltanum hins vegar tíu sinnum.

Snæfell-Haukar 65-60 (14-17, 14-9, 11-21, 26-13)

Snæfell: Kristen Denise McCarthy 21/7 fráköst/6 stolnir, Gunnhildur Gunnarsdóttir 17/4 fráköst, Hildur Sigurdardottir 10/6 fráköst/7 stoðsendingar/5 stolnir, Helga Hjördís Björgvinsdóttir 8, Hugrún Eva Valdimarsdóttir 3, Rebekka Rán Karlsdóttir 2, María Björnsdóttir 2/4 fráköst, Berglind Gunnarsdóttir 2, Alda Leif Jónsdóttir 0, Rósa Indriðadóttir 0, Anna Soffía Lárusdóttir 0.

Haukar: LeLe Hardy 24/19 fráköst/9 stoðsendingar/3 varin skot, Sylvía Rún Hálfdanardóttir 11/7 fráköst, Dagbjört Samúelsdóttir 9, María Lind Sigurðardóttir 8, Guðrún Ósk Ámundadóttir 6/6 fráköst, Auður Íris Ólafsdóttir 2/5 fráköst, Sólrún Inga Gísladóttir 0, Rósa Björk Pétursdóttir 0, Inga Sif Sigfúsdóttir 0, Inga Rún Svansdóttir 0, Dýrfinna Arnardóttir 0, Þóra Kristín Jónsdóttir 0.

Valskonur gerðu góða ferð í Vesturbæinn og unnu fjögurra stiga sigur, 67-71, á KR.

KR byrjaði leikinn betur og leiddi með 11 stigum, 22-11, eftir fyrsta leikhluta. Valskonur, sem töpuðu fyrir Keflavík í úrslitaleik Lengjubikarsins um þarsíðustu helgi, vöknuðu hins vegar til lífsins í öðrum leikhluta, sem þær unnu með átta stigum. Staðan í hálfleik var 36-33, KR í vil.

Staðan var jöfn eftir þriðja leikhluta, 54-54, en Valskonur reyndust sterkari undir lokin og unnu með fjórum stigum, 67-71.

Joanna Harden fór fyrir Valsliðinu með 25 stig og níu fráköst. Ragnheiður Benónísdóttir átti einnig flottan leik og skilaði tvöfaldri tvennu; 16 stigum og 16 fráköstum.

Brittany Wilson var stigahæst í liði KR, með 17 stig, en hún tók einnig 11 fráköst og gaf átta stoðsendingar.

KR-Valur 67-71 (22-11, 14-22, 18-21, 13-17)

KR: Brittnay Wilson 17/11 fráköst/8 stoðsendingar, Bergþóra Holton Tómasdóttir 16/6 fráköst/5 stoðsendingar, Helga Einarsdóttir 12/14 fráköst, Björg Guðrún Einarsdóttir 11/5 fráköst/5 stoðsendingar, Sara Mjöll Magnúsdóttir 7/6 fráköst, Þorbjörg Andrea Friðriksdóttir 4, Eyrún Líf Sigurðardóttir 0, Perla Jóhannsdóttir 0, Ragnhildur Arna Kristinsdóttir 0, Sólrún Sæmundsdóttir 0, Þórkatla Dagný Þórarinsdóttir 0, Aníta Eva Viðarsdóttir 0.

Valur: Joanna Harden 25/9 fráköst, Ragnheiður Benónísdóttir 16/16 fráköst, Guðbjörg Sverrisdóttir 14/5 fráköst/5 stoðsendingar, Ragna Margrét Brynjarsdóttir 9/8 fráköst/5 varin skot, Kristrún Sigurjónsdóttir 4/5 fráköst, Fanney Lind Guðmundsdóttir 2, Sóllilja Bjarnadóttir 1, Bergdís  Sigurðardóttir 0, Sara Diljá Sigurðardóttir 0, Margrét Ósk Einarsdóttir 0, Bylgja Sif Jónsdóttir 0.

Í Grindavík unnu heimakonur 13 stiga sigur á Hamri, 93-80. Grindavík var alltaf með yfirhöndina í leiknum, en staðan í hálfleik var 55-40.

Rachel Tecca skoraði mest fyrir Grindavík, eða 32 stig, en hún tók einnig átta fráköst. María Ben Erlingsdóttir skoraði 22 stig og tók átta fráköst.

Andrina Rendon var atkvæðamest í liði Hamars með 36 stig, 13 fráköst og sex stoðsendingar.

Grindavík-Hamar 93-80 (29-11, 26-29, 23-19, 15-21)

Grindavík: Rachel Tecca 32/8 fráköst, María Ben Erlingsdóttir 22/8 fráköst, Jóhanna Rún Styrmisdóttir 9, Ásdís Vala Freysdóttir 8/8 fráköst, Petrúnella Skúladóttir 8/10 fráköst, Pálína Gunnlaugsdóttir 7, Jeanne Lois Figeroa Sicat 3/5 stoðsendingar, Guðlaug Björt Júlíusdóttir 3, Ingibjörg Jakobsdóttir 1/7 stoðsendingar, Guðný Dröfn Guðbjartsdóttir 0, Lilja Ósk Sigmarsdóttir 0, Hrund Skuladóttir 0.

Hamar: Andrina Rendon 36/13 fráköst/6 stoðsendingar/10 stolnir, Þórunn Bjarnadóttir 13/9 stoðsendingar, Salbjörg Ragna Sævarsdóttir 10/5 fráköst, Sóley Guðgeirsdóttir 9, Katrín Eik Össurardóttir 8, Jóna Sigríður Ólafsdóttir 3/4 fráköst, Jóhanna Herdís Sævarsdóttir 1, Vilborg Óttarsdóttir 0, Helga Vala Ingvarsdóttir 0.

Þá vann Keflavík, sem er spáð sigri í Domino's deildinni, risasigur á Breiðabliki, 92-46, suður með sjó. Blikakonur áttu aldrei möguleika í leiknum, en staðan í hálfleik var 54-22.

Carmen Tyson-Thomas var stigahæst í liði heimakvenna með 22 stig og níu fráköst. Sara Rún Hinriksdóttir kom næst með 13 stig og sex fráköst. Arielle Wideman skoraði 13 stig fyrir Breiðablik.

Keflavík-Breiðablik 92-46 (24-14, 20-8, 24-12, 24-12)

Keflavík: Carmen Tyson-Thomas 22/9 fráköst, Sara Rún Hinriksdóttir 13/6 fráköst, Ingunn Embla Kristínardóttir 11/4 fráköst, Emelía Ósk Gunnarsdóttir 10, Marín Laufey Davíðsdóttir 9/4 fráköst, Sandra Lind Þrastardóttir 9/4 fráköst, Birna Ingibjörg Valgarðsdóttir 8, Lovísa Falsdóttir 3, Bríet Sif Hinriksdóttir 3, Thelma Dís Ágústsdóttir 2, Hallveig Jónsdóttir 2, Elfa Falsdottir 0.



Breiðablik: Arielle Wideman 13/7 fráköst, Berglind Karen Ingvarsdóttir 9/5 fráköst, Unnur Lára Ásgeirsdóttir 7/4 fráköst, Ísabella Ósk Sigurðardóttir 6/5 fráköst, Guðrún Edda Bjarnadóttir 3, Elín Kara Karlsdóttir 2, Ingunn Erla Kristjánsdóttir 2/4 fráköst, Hafrún Erna Haraldsdóttir 1, Jóhanna Björk Sveinsdóttir 1, Kristbjörg Pálsdóttir 1, Elín Sóley Hrafnkelsdóttir 1, Aníta Rún Árnadóttir 0.