Sigrún og félagar töpuðu í framlengingu

Sigrún Sjöfn Ámundadóttir og félagar hennar í Norrköping Dolphins urðu að sætta sig við sex stiga tap á heimavelli á móti 08 Stockholm HR, 59-65, í framlengdum leik í sænsku úrvalsdeildinni í körfubolta.

Sigrún var með 4 stig, 6 fráköst og 2 stolna bolta á 30 mínútum í leiknum en hún spilaði ekkert í framlengingunni því hún fékk sína fimmtu villu skömmu fyrir lok venjulegs leiktíma.

Norrköping Dolphins var með frumkvæðið fram eftir leik, tíu stigum yfir í hálfleik, 29-19 og með fjögurra stiga forskot fyrir lokaleikhlutann. 08 Stockholm HR vann hinsvegar framlenginguna 13-7.

Sigrún átti frábæran leik í 1. umferðinni þar sem Norrköping Dolphins liðið vann góðan sigur á Norrköping Dolphins en hún var þá með 21 stig og 9 fráköst.