Veiði

Bíldsfell áfram innan SVFR

Karl Lúðvíksson skrifar
Frá undirritun samnings um Bíldsfell
Frá undirritun samnings um Bíldsfell
Veiðisvæðið kennt við Bíldsfell í Soginu hefur verið eitt af vinsælustu ársvæðum SVFR um árabil.

Svæðið hefur verið upselt flesta veiðidagana sem hafa verið í boði og það hefur verið sérstaklega mikil ásókn í tímann frá 20. júlí til 20. september þegar veiði lýkur.  Vordagarnir hafa notið aukinni vinsælda sem og fyrstu dagar veiðitímans en þá er bleikjuveiðin oft best ásamt því að veiðivon á stórlaxi telst vera góð.  Í fréttatilkynningu frá SVFR segir:

"Það er mikið ánægjuefni að geta sagt frá því að SVFR hefur samið um áframhaldandi leigu á veiðirétti í Soginu fyrir landi Bíldsfells. Skrifað var undir samninginn þann 8. nóvember síðastliðinn á bökkum Sogsins. Samningurinn er fagnaðarefni fyrir félagið enda er Bíldsfellssvæðið afar vinsælt hjá félagsmönnum.

Veiðin á Bíldsfellssvæðinu undanfarin ár hefur verið nokkuð góð. Sumarið 2013 veiddust 314 laxar á svæðinu og í sumar veiddust 109 laxar, sem telst vel viðunandi miðað við veiði í öðrum ám á landinu. Undanfarin 10 ár hefur veiðin farið mest í 480 laxa sumarið 2010 en sumarið 2011 var sömuleiðis feykigott, en þá veiddust 405 laxar í Bíldsfelli. Á svæðinu veiðist einnig mikið magn af silungi, bæði í vorveiðinni sem og á laxveiðitímanum. Meðalveiði undanfarin 10 ár er 238 laxar, og hlutfall stórlax rétt um 25%, sem telst býsna gott. Á svæðinu eru þrjár dagstangir og mjög gott veiðihús".

Stangveiði

Mest lesið




×

Mest lesið