Höttur kominn í Dominos-deildina: „Jibbikóla“ | Myndband

Höttur komst í kvöld upp í Dominos-deild karla í körfubolta þegar liðið vann FSu, 94-86, á heimavelli sínum á Egilsstöðum.

Gestirnir frá Selfossi voru níu stigum yfir eftir fyrsta leikhluta, 27-19, en munurinn í hálfleik var eðsins fjögur stig, 46-42, fyrir FSu.

Hattarmenn tóku öll völd á vellinum í þriðja leikhluta og höfðu tólf stiga forskot, 70-58, fyrir lokafjórðunginn og unnu á endanum átta stiga sigur, 94-86.

Tobin Carberry var stigahæstur í liði hatar með 35 stig auk þess sem hann tók 15 fráköst. Viðar Örn Hafsteinsson skilaði 14 stigum og tók sjö fráköst.

Höttur er með átta stiga forskot á toppi 1. deildarinnar og er öruggt með sæti í Dominos-deildinni næsta vetur. Liðin í sætum 2-5 berjast svo um hitt sætið.

Hattarmenn fögnuðu sigrinum eðlilega vel eins og sjá má í myndbandinu hér að neðan. „Höttur í Dominos! Staðfest jibbikóla!“ skrifuðu menn svo á Twitter.

Höttur í Dominos! Staðfest jibbikóla! #karfan_is #dominosdeildin

— Höttur (@HotturOfficial) March 6, 2015

Glæsilegur sigur Hattar á Fsu. #dominosdeildin að ári!

A video posted by Hafþór Atli Rúnarsson (@hafthoratli) on Mar 6, 2015 at 12:36pm PST