Citroën C4 Cactus frumsýndur

Citroën C4 Cactus  hefur vakið töluverða athygli frá því að Citroën kynnti hann fyrst á bílasýningunni í París. Verðlaunin hafa hrannast upp en þau eru orðin 21 nú þegar.

Frumsýning bílsins hjá Brimborg verður næsta laugardag milli kl. 12 og 16 í sýningarsal Citroën að Bíldshöfða 8, Reykjavík og hjá Brimborg á Akureyri, Tryggvabraut 5.

Ekkert prjál, einungis hlutir sem skipta máli

Ný hugmyndafræði Citroën á bak við nýja Citroën C4 Cactus mun væntanlega höfða til margra. Ekkert prjál, einungis hlutir sem skipta máli. C4 Cactus er best lýst með þessum orðum: hagnýt og djörf hönnun, einfaldleiki og lágt verð.

Markmið Citroën var að færa viðskiptavinum meira af því sem skiptir raunverulegu máli með því að nota tækninýjungar og snjalla valkosti til að tryggja fallega hönnun og þægindi í notendavænum og hagkvæmum bíl. Það má segja að þeim hafi tekist ætlunarverkið sitt því móttökurnar hafa verið glimrandi.

C4 Cactus svarar spurningum sem brenna á bíleigendum í dag. Hvernig get ég eignast og rekið nýjan bíl? Hvers vegna er ekki framleiddur léttari og sparneytnari bíll? Er ekki hægt að vernda hurðirnar gegn rispum og skellum? Af hverju getur mælaborðið ekki verið notendavænna og stílhreinna? Öllum þessum spurningum er svarað með nýja Citroën C4 Cactus.

21 verðlaun nú þegar!

Meðal verðlauna má nefna „Bíll ársins 2015“ í Danmörku, „Bíll ársins 2015“ á Spáni, „Bíll ársins“ í Króatíu, „Best Hatchback of the year“ frá TopGear Magazine, Besti „Crossover“ frá Next Green Car og „Design of the Year“ frá Fleet World Honours

Verð frá einungis 2.690.000 kr.

Nýr C4 Cactus er einkar lágu verði, eða frá einungis 2.690.000 kr.

20% lægri rekstrarkostnaður

C4 Cactus er búinn nýjustu kynslóð véla sem eru bæði sparneytnar og léttar. Hann eyðir frá aðeins 3,4 l/100 km og losar einungis frá 89 g/km. Yfirbygging C4 Cactus er einnig létt sem hefur þau áhrif að varahlutir verða fyrir minna álagi, sem aftur leiðir til minna viðhalds. Þegar allt er saman tekið er rekstrarkostnaður Citroën C4 Cactus nærri 20% lægri en rekstarkostnaður annarra bíla í sama stærðarflokki.

Hvað er Airbump®?

Eitt af því sem hefur gert Cactus svona umtalaðan eru notendavænar nýjungar. Airbump® hlífðarklæðningin sem ver lakkið gegn hvimleiðum rispum og skellum er dæmi um eina slíka nýjung. Citroën hefur einkarétt á Airbump® hönnuninni sem felur í sér blöndu af stíl og hagkvæmni.

Stílhreint innra rými

C4 Cactus hefur fengið mikið lof fyrir stílhreint og notendavænt innra rými sem er laust við kraðak af tökkum. Sjón er sögu ríkari.

15 ára afmælisár Citroën hjá Brimborg

Brimborg byrjaði árið á að frumsýna Citroën C1 og nú er komið að C4 Cactus. 15 ára afmælisár Citroën hjá Brimborg fer því skemmtilega af stað.