Nýtt trend fyrir haustið - baktöskur

Elísabet Gunnarsdóttir skrifar 10. apríl 2015 20:00

Áberandi af tískuvikunum í ár er ný og uppfærð útgáfa bakpoka. Það má segja að uppáhalds fylgihlutur skólafólks hafi útskrifast og sé kominn í þroskaðari og fágaðari búning - baktöskuna.

Bakpokar hafa eitthvað verið í sviðsljósinu undanfarið sem eftirtektarverðir fylgihlutir á pöllunum síðastu tímabila, en þar má til dæmis nefna skínandi græna hermannapokann hjá Marc Jacobs fyrir sumarið 2015 og rebel útgáfuna sem Chanel sýndi okkur sumarið 2014.

Í ár sást tískudrottningin Sofia Sanchez de Betak til að mynda með M2Malletier M2 baktöskuna, sem er ekki enn komin á markað en von er á haustið 2015. Bakpokinn svokallaði er nær því að vera falleg handtaska, en þó með tveimur axlarböndum.

Þetta nýja trend gefur okkur tækifæri á því að bera töskuna á bakinu á leið til vinnu, en bera hana síðan sem handtösku inná vinnustað, svo dæmi sé tekið. Það getur líka hentað okkur vel í íslenska verðurfarinu að hafa töskuna á bakinu og hendurnar fríar fyrir góða hanska.

Fréttinni fylgja 7 baktöskur sem skila þér “coolest look on the block” titlinum.