Rannsókn fjárkúgunarmálsins enn ekki lokið

Lögregla bíður enn niðurstöðu úr lífsýnarannsókn erlendis frá, svo hægt sé að ljúka rannsókn á tilraun systranna Malínar Brand og Hlínar Einarsdóttur til fjárkúgunar á forsætisráðherra.

Þetta segir Friðrik Smári Björgvinsson, aðstoðaryfirlögregluþjónn lögreglunnar á höfuðborgarsvæðinu. Hann getur ekki sagt til um það hvenær von er á niðurstöðunum að utan en rannsókn málsins er annars að mestu lokið.

Lífsýnarannsóknin snýr að DNA-sýnum sem tekin voru af sönnunargögnum málsins, meðal annars af sjálfu fjárkúgunarbréfinu sem barst forsætisráðherra.