Meðal þeirra 270 sem finna má á lista tekjublaðs Frjálsrar verslunar yfir tekjuhæstu sjó- og útgerðarmenn landsins er ekki ein kona. Magnús Ómar Sigurðsson, skipstjóri í Fjarðabyggð, trónir á toppi listans með tæplega 4,1 milljón króna í tekjur á mánuði.
Næst á eftir honum fylgja skipstjórarnir Bergur Einarsson með tæpar 3,9 milljónir á mánuði, Arnþór Hjörleifsson einnig með tæplega 3,9 milljónir og Guðlaugur Jónsson með tæpar 3,5 milljónir á mánuði. Í fimmta sæti er Ingi Jóhann Guðmundsson, framkvæmdastjóri fiskvinnslunnar Gjögur.
Athygli vekur að Guðbjörg M. Matthíasdóttir, útgerðarkona í Vestmannaeyjum og skattadrottning Íslands fyrir nokkrum árum, er ekki á listanum. Listi Frjálsrar verslunar er byggður á útsvarsskyldum tekjum á árinu 2014 og þurfa þær því ekki að endurspegla föst laun viðkomandi. Í einhverjum tilvikum kann skattstjóri að hafa áætlað tekjur.
Engin kona meðal 270 tekjuhæstu útgerðarmanna landsins
Tengdar fréttir
Davíð Oddsson langtekjuhæstur fjölmiðlamanna
Forsætisráðherrann fyrrverandi skráður með rúmlega 3,3 milljónir króna í mánaðartekjur.
Gunnar Nelson efstur á lista íþróttamanna
Eini núverandi íþróttamaðurinn í efstu fimm sætum listans.
Ragnheiður Elín tekjuhæst á Alþingi
Iðnaðar- og viðskiptaráðherra með rúmlega 1,6 milljónir króna í mánaðarlaun.
Lögfræðingur og rithöfundur tekjuhæsti listamaðurinn
Ragnar Jónasson er með tæplega 2,5 milljónir króna á mánuði. Engin kona er meðal tíu tekjuhæstu listamannanna.
Kári tekjuhæstur á árinu
Kári Stefánsson, stofnandi og forstjóri Íslenskrar erfðagreiningar, er með rúmlega 29 milljónir króna í mánaðarlaun samkvæmt nýjasta tekjublaði Frjálsar verslunar.
