Það mest spennandi í stöðunni Kristinn Páll Teitsson skrifar 19. ágúst 2015 06:00 Hörður Axel í landsleik gegn Hollandi á dögunum. vísir/ernir „Það er svolítið síðan ég skrifaði undir hjá þeim svo ég hef ekkert verið að stressa mig á mínum málum, þetta var bara loksins gert opinbert í gær. Ég var alltaf með samninginn í höndunum,“ sagði Hörður Axel Vilhjálmsson, í samtali við Fréttablaðið í gær. Tilkynnt var að Hörður myndi leika með Trikala BC í grísku úrvalsdeildinni á næsta tímabili en hann kemur til liðsins á frjálsri sölu eftir að samningur hans hjá Mitteldeutscher rann út. „Mér stóð einnig til boða samningur hjá Mitteldeutscher svo þetta var nokkuð þægilegt sumar, ég hafði ekki miklar áhyggjur af samningsmálunum.“Þjálfarinn hefur trú á mér Gríska deildin í körfuknattleik er afar sterk en þar standa upp úr tvö af sterkustu félagsliðum Evrópu, Panathinaikos og Olympiakos. „Ég hefði alveg íhugað að vera áfram í Þýskalandi hefði tilboð komið sem væri spennandi en þetta var það sem mér fannst mest spennandi í stöðunni og stökk á það. Það eru auðvitað tvö lið sem hafa gríðarlega yfirburði í deildinni og það er ekki raunhæft að berjast um titla en við verðum að berjast þar fyrir neðan.“ Þjálfari liðsins hefur verið að hafa samband við Hörð undanfarin ár þegar hann þjálfaði í Þýskalandi.„Þjálfarinn var að þjálfa í Þýskalandi og hann hefur verið að ræða við mig síðustu ár um að koma til sín. Það er gott að vita af því að þjálfarinn hefur trú á manni og veit út á hvað ég geng inn á vellinum. Hann veit hvernig ég vil spila og mun reyna að nota mig þannig. Ég er fyrsti leikmaðurinn sem félagið fær til liðs við sig sem segir mér að ég verði í stóru hlutverki.“ Hörður viðurkenndi að þetta væri stórt stökk í djúpu laugina hvað varðar tungumál en hann sagðist ekki viss hvort hann og kærastan myndu leggja í það að læra gríska tungumálið. „Konan mín var búin að ákveða að læra tungumálið á næsta stað sem við færum en ég er ekki viss hvað hún segir í dag. Þetta er allt annað tungumál og stafróf en við þekkjum,“ sagði Hörður léttur en hann sagði flesta á körfuboltavellinum tala ensku. „Ég slapp með það í Þýskalandi að tala bara ensku inni á vellinum, það eru svo margir Kanar þar að það er töluð enska inn á vellinum. Jafnvel þegar tveir þýskir leikmenn voru að tala sín á milli er það oft á ensku.“Hörður Axel er lykilmaður í íslenska landsliðinu sem er á leið á EuroBasket í fyrsta sinn.vísir/ernirHef trú á þessu verkefni Hörður viðurkenndi að efnahagsástandið í Grikklandi hefði komið upp í huga sinn þegar hann ákvað hvert næsta skref á ferlinum yrði. „Auðvitað var maður örlítið varkár hvað varðar lið í Grikklandi út af ástandinu úti. Það voru fleiri grísk lið sem höfðu samband og ég var ekki opinn fyrir þessu í byrjun en þeim tókst að sannfæra mig. Umboðsmaðurinn minn sem er grískur sagðist ekki ætla að tala við lið sem væru ekki alveg pottþétt,“ sagði Hörður sem sagðist hafa farið varlega í viðræðurnar. „Maður verður að treysta fólki. Maður hefur brennt sig áður á því en ég held að þetta muni allt standast í þetta skiptið. Ég passaði mig á því að hafa klásúlur í samningnum um að ef allt færi á versta veg gæti ég farið frá félaginu. Það veitir mér aukið öryggi.“Einbeiti mér að Eurobasket Hörður er þessa dagana á fullu í undirbúningi með íslenska landsliðinu fyrir Evrópumótið í körfuknattleik, Eurobasket 2015, sem fer fram í Berlín í september. Hörður sagði að samningaviðræður sínar hefðu ekki truflað undirbúninginn. „Við erum allir mjög einbeittir á þetta landsliðsverkefni, ég kláraði að skrifa undir og setti það strax til hliðar til þess að einbeita mér að landsliðinu. Ég var ekkert að tilkynna þetta fyrr en liðið tilkynnti þetta í morgun. Þetta verður í fyrsta sinn sem við getum keppt á móti á borð við þetta og hver veit hvenær þetta tækifæri kemur aftur,“ sagði Hörður sem sagði íslensku leikmennina ætla að njóta stundarinnar en á sama tíma væru þeir mættir til þess að keppa. „Maður verður að njóta þess til hins ýtrasta þegar við komumst loksins inn en við erum ekki að fara til þess að láta valta yfir okkur. Við förum og munum berjast fyrir öllum boltum í Berlín.“ Íslenska liðið tekur þátt í undirbúningsmóti í Eistlandi á næstu dögum. EM 2015 í Berlín Mest lesið Arnari gekk illa að ná í þunna Víkinga Íslenski boltinn „Ég var mjög leið og bara ótrúlega vonsvikin“ Sport „Getum eyðilagt drauma Úkraínu á morgun“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Grétar Rafn gæti gert Gerrard að stjóra Rangers Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Gæti lamast eftir árekstur við auglýsingaskilti Fótbolti Sir Jim Ratcliffe: Amorim þarf þrjú ár til að sanna sig Enski boltinn Rifust um olnbogaskot Drungilas Körfubolti Fleiri fréttir Ármann - KR | Fyrsti heimaleikur nýliðanna Þór Þ. - Álftanes | Þórsarar í leit að fyrsta sigri tímabilsins Tindastóll - Keflavík | Stólarnir bjóða Keflvíkinga velkomna í Síkið Grindavík - ÍA | Gulir mæta glöðum Enst lengst með sama lið og tekur nú við Bandaríkjunum Hilmar Smári öflugur í bikarsigri Iverson opnaði sig um „sjálfskaparvítið“ og erfiðasta tímabil lífsins Setti stigamet í fyrsta heimaleiknum sínum í Síkinu Rifust um olnbogaskot Drungilas Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Uppgjörið: Tindastóll - Stjarnan 95-92 | Mikil spenna í Síkinu Kane vill spila í Grindavík: „Flestir okkar hafa engar áhyggjur af þessu“ Uppgjörið: Keflavík - Hamar/Þór 102-89 | Fyrsti sigur Keflvíkinga í hús Uppgjörið: Valur - Njarðvík 77-80 | Njarðvíkursigur í spennutrylli Stórsigur Grindavíkur en WNBA-konan hætti fyrr en aðrar Aðdáendur pirraðir eftir „ákvörðun“ LeBron James „Lið sem gæti hæglega blandað sér í toppbaráttuna“ Elvar stýrði sigursöngvunum eftir leik LeBron boðar aðra Ákvörðun Uppgjörið: Valur - Tindastóll 85-87 | Basile með sigurkörfu „Þeir skutu úr einhverjum fjörutíu vítum“ Elvar stigahæstur í fyrsta deildarleiknum með nýja liðinu Bikarmeistarar Vals byrja á móti B-liði KR Er Kristján Fannar ÍR-ingur eða Keflvíkingur? „Ótrúlegt hvað við framleiðum marga góða unga leikmenn sem heita Styrmir“ „Hann er topp þrír í deildinni“ Jón Axel öflugur þegar spænska deildin fór af stað á nýjan leik Nabblinn á ferðinni: Bræðurnir gerðu upp fyrsta leikinn í Grindavík síðan 2023 Giannis ekki kominn af stað með Milwaukee Bucks Kemi tilþrifin | Sjáðu harkalega byltu Arnórs Tristan Sjá meira
„Það er svolítið síðan ég skrifaði undir hjá þeim svo ég hef ekkert verið að stressa mig á mínum málum, þetta var bara loksins gert opinbert í gær. Ég var alltaf með samninginn í höndunum,“ sagði Hörður Axel Vilhjálmsson, í samtali við Fréttablaðið í gær. Tilkynnt var að Hörður myndi leika með Trikala BC í grísku úrvalsdeildinni á næsta tímabili en hann kemur til liðsins á frjálsri sölu eftir að samningur hans hjá Mitteldeutscher rann út. „Mér stóð einnig til boða samningur hjá Mitteldeutscher svo þetta var nokkuð þægilegt sumar, ég hafði ekki miklar áhyggjur af samningsmálunum.“Þjálfarinn hefur trú á mér Gríska deildin í körfuknattleik er afar sterk en þar standa upp úr tvö af sterkustu félagsliðum Evrópu, Panathinaikos og Olympiakos. „Ég hefði alveg íhugað að vera áfram í Þýskalandi hefði tilboð komið sem væri spennandi en þetta var það sem mér fannst mest spennandi í stöðunni og stökk á það. Það eru auðvitað tvö lið sem hafa gríðarlega yfirburði í deildinni og það er ekki raunhæft að berjast um titla en við verðum að berjast þar fyrir neðan.“ Þjálfari liðsins hefur verið að hafa samband við Hörð undanfarin ár þegar hann þjálfaði í Þýskalandi.„Þjálfarinn var að þjálfa í Þýskalandi og hann hefur verið að ræða við mig síðustu ár um að koma til sín. Það er gott að vita af því að þjálfarinn hefur trú á manni og veit út á hvað ég geng inn á vellinum. Hann veit hvernig ég vil spila og mun reyna að nota mig þannig. Ég er fyrsti leikmaðurinn sem félagið fær til liðs við sig sem segir mér að ég verði í stóru hlutverki.“ Hörður viðurkenndi að þetta væri stórt stökk í djúpu laugina hvað varðar tungumál en hann sagðist ekki viss hvort hann og kærastan myndu leggja í það að læra gríska tungumálið. „Konan mín var búin að ákveða að læra tungumálið á næsta stað sem við færum en ég er ekki viss hvað hún segir í dag. Þetta er allt annað tungumál og stafróf en við þekkjum,“ sagði Hörður léttur en hann sagði flesta á körfuboltavellinum tala ensku. „Ég slapp með það í Þýskalandi að tala bara ensku inni á vellinum, það eru svo margir Kanar þar að það er töluð enska inn á vellinum. Jafnvel þegar tveir þýskir leikmenn voru að tala sín á milli er það oft á ensku.“Hörður Axel er lykilmaður í íslenska landsliðinu sem er á leið á EuroBasket í fyrsta sinn.vísir/ernirHef trú á þessu verkefni Hörður viðurkenndi að efnahagsástandið í Grikklandi hefði komið upp í huga sinn þegar hann ákvað hvert næsta skref á ferlinum yrði. „Auðvitað var maður örlítið varkár hvað varðar lið í Grikklandi út af ástandinu úti. Það voru fleiri grísk lið sem höfðu samband og ég var ekki opinn fyrir þessu í byrjun en þeim tókst að sannfæra mig. Umboðsmaðurinn minn sem er grískur sagðist ekki ætla að tala við lið sem væru ekki alveg pottþétt,“ sagði Hörður sem sagðist hafa farið varlega í viðræðurnar. „Maður verður að treysta fólki. Maður hefur brennt sig áður á því en ég held að þetta muni allt standast í þetta skiptið. Ég passaði mig á því að hafa klásúlur í samningnum um að ef allt færi á versta veg gæti ég farið frá félaginu. Það veitir mér aukið öryggi.“Einbeiti mér að Eurobasket Hörður er þessa dagana á fullu í undirbúningi með íslenska landsliðinu fyrir Evrópumótið í körfuknattleik, Eurobasket 2015, sem fer fram í Berlín í september. Hörður sagði að samningaviðræður sínar hefðu ekki truflað undirbúninginn. „Við erum allir mjög einbeittir á þetta landsliðsverkefni, ég kláraði að skrifa undir og setti það strax til hliðar til þess að einbeita mér að landsliðinu. Ég var ekkert að tilkynna þetta fyrr en liðið tilkynnti þetta í morgun. Þetta verður í fyrsta sinn sem við getum keppt á móti á borð við þetta og hver veit hvenær þetta tækifæri kemur aftur,“ sagði Hörður sem sagði íslensku leikmennina ætla að njóta stundarinnar en á sama tíma væru þeir mættir til þess að keppa. „Maður verður að njóta þess til hins ýtrasta þegar við komumst loksins inn en við erum ekki að fara til þess að láta valta yfir okkur. Við förum og munum berjast fyrir öllum boltum í Berlín.“ Íslenska liðið tekur þátt í undirbúningsmóti í Eistlandi á næstu dögum.
EM 2015 í Berlín Mest lesið Arnari gekk illa að ná í þunna Víkinga Íslenski boltinn „Ég var mjög leið og bara ótrúlega vonsvikin“ Sport „Getum eyðilagt drauma Úkraínu á morgun“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Grétar Rafn gæti gert Gerrard að stjóra Rangers Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Gæti lamast eftir árekstur við auglýsingaskilti Fótbolti Sir Jim Ratcliffe: Amorim þarf þrjú ár til að sanna sig Enski boltinn Rifust um olnbogaskot Drungilas Körfubolti Fleiri fréttir Ármann - KR | Fyrsti heimaleikur nýliðanna Þór Þ. - Álftanes | Þórsarar í leit að fyrsta sigri tímabilsins Tindastóll - Keflavík | Stólarnir bjóða Keflvíkinga velkomna í Síkið Grindavík - ÍA | Gulir mæta glöðum Enst lengst með sama lið og tekur nú við Bandaríkjunum Hilmar Smári öflugur í bikarsigri Iverson opnaði sig um „sjálfskaparvítið“ og erfiðasta tímabil lífsins Setti stigamet í fyrsta heimaleiknum sínum í Síkinu Rifust um olnbogaskot Drungilas Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Uppgjörið: Tindastóll - Stjarnan 95-92 | Mikil spenna í Síkinu Kane vill spila í Grindavík: „Flestir okkar hafa engar áhyggjur af þessu“ Uppgjörið: Keflavík - Hamar/Þór 102-89 | Fyrsti sigur Keflvíkinga í hús Uppgjörið: Valur - Njarðvík 77-80 | Njarðvíkursigur í spennutrylli Stórsigur Grindavíkur en WNBA-konan hætti fyrr en aðrar Aðdáendur pirraðir eftir „ákvörðun“ LeBron James „Lið sem gæti hæglega blandað sér í toppbaráttuna“ Elvar stýrði sigursöngvunum eftir leik LeBron boðar aðra Ákvörðun Uppgjörið: Valur - Tindastóll 85-87 | Basile með sigurkörfu „Þeir skutu úr einhverjum fjörutíu vítum“ Elvar stigahæstur í fyrsta deildarleiknum með nýja liðinu Bikarmeistarar Vals byrja á móti B-liði KR Er Kristján Fannar ÍR-ingur eða Keflvíkingur? „Ótrúlegt hvað við framleiðum marga góða unga leikmenn sem heita Styrmir“ „Hann er topp þrír í deildinni“ Jón Axel öflugur þegar spænska deildin fór af stað á nýjan leik Nabblinn á ferðinni: Bræðurnir gerðu upp fyrsta leikinn í Grindavík síðan 2023 Giannis ekki kominn af stað með Milwaukee Bucks Kemi tilþrifin | Sjáðu harkalega byltu Arnórs Tristan Sjá meira