Forsætisráðherra Finnlands býður flóttamönnum einkaheimili sitt

Juha Sipila, forsætisráðherra Finnlands hefur boðið flóttamönnum einkaheimili sitt í Norður-Finnlandi vegna mikils straums flóttamanna til Austur-Evrópu yfir land og sjó.

Sipila tilkynnti fjölmiðlum að heimili hans í Kempele, staðsett 500 kílómetra norður af Helsinki, myndi verið notað til að taka við flóttamönnum í árslok. „Við ættum að líta í spegil og spyrja okkur sjálf hvernig við getum hjálpað ... Húsið mitt er ekki mikið notað í augnablikinu. Fjölskylda mín býr í Sipoo og heimili forsætisráðherra er staðsett í Kesaranta,“ sagði Sipila blaðamanni fjölmiðlafyrirtækisins YLE.

Forsætisráðherrann hvatti einnig aðra borgarbúa, kirkjur og góðgerðarsamtök í landinu til þess að opna aðstöður sínar fyrir flóttamönnum.

Nýlega hafa þúsundir Íslendinga boðið flóttamönnum að koma inná heimili sín í gegnum síðu á Facebook eftir að ríkisstjórnin tilkynnti að þeir myndu aðeins taka á móti fimmtíu kvótaflóttamönnum.

Maija Karjalainen, ritari alþjóðlegra mála fyrir hægri sinnaða Finna, sagði að aðgerð forsætisráðherrans væri jákvæð en að fáir Finnar myndu fylgja í hans fótspor.

Finnar tvöfaldað flóttamannakvótann

„En við skulum ekki gleyma því að forsætisráðherrann er í einstakri aðstöðu, að eiga hús tiltækt til þessa,“ sagði hún fréttamiðlinum Al Jazeera. „Ekki allir Finnar eru með plássið, peninginn eða rýmið til að gera það sama.“

Aftur á móti segir Timo Tuomaala, 39 ára gamall nemandi sem er hættur störfum vegna veikinda, að aðgerð forsætisráðherrans sé „fáránleg“ og  „að hann sé að reyna að færa athyglina frá öðrum vandamálum.“

„Hérna í Finnlandi erum við með mörg vandamál. Til dæmis hjá fólki sem er komið á eftirlaun eða aðrir sem eru fátækir og finnska ríkisstjórnin heldur áfram að skera niður hjá þessum hópum. Aðgerð hans er ekki einlæg,“ sagði Tuomaala fréttamiðlinum Al Jazeera. Tuomaala var sammála að flóttamenn ættu að fá hjálp, en sagði að Finnar væru almennt tortryggnir um önnur þjóðerni.

„Finnar hafa alltaf verið smá hræddir í kringum hluti sem þeir þekkja ekki almennilega. Einnig hefur verið vaxandi tala glæpa framin af hópum af innflytjendum uppá síðkastið. Og Finnska dómkerfið gefur almennt stutta dóma, bæði til Finna og innflytjenda.“

Finnska ríkisstjórnin tvöfaldaði áætlun sína um móttöku flóttamann frá 15.000 upp í 30.000 síðastliðinn föstudag.

Skortur á samstöðu

Í ummælum hans á laugardaginn sagði Sipila að hann vonaði að aðgerð hans muni veita öðrum innblástur til þess að gera það sama og deila hluta af byrðinni varðandi hýsingu flóttamanna. Hann talaði einnig um skort á samstöðu í Evrópusambandinu yfir flóttamannavandanum.

„Finnland ætti að gera hvað sem er mögulegt innan Evrópusambandsins til þess að hjálpa innflytjendum sem koma til Evrópu,“ segir Karjalainen. „Hinsvegar, 30.000 er brjáluð tala fyrir hýsingu á flóttamönnum á meðan Finnland er að takast á við sín eigin efnahagsvandamál.“

Heini Kuusela, 36 ára gömul blaðakona frá Heinola, sagði að Finnland sé stórt land í stærð og gæti tekið á móti fleiri flóttamönnum en það hefur verið að gera.

„Það eru smáir bæir í Finnlandi að loka skólum vegna þess að það eru ekki nógu mörg börn að mæta. Það er pláss ef það er vilji,“ sagði hún.