Trump er ekki þekktur fyrir linkind í garð innflytjenda.Vísir/Getty
Bandaríski auðjöfurinn Donald Trump, sem berst fyrir því að verða forsetaframbjóðandi Repúblikanaflokksins, hefur varað við því að sýrlenskir hælisleitendur fái hæli í Bandaríkjunum þar sem þeir gætu verið vígamenn íslamska ríkisins.
Í ræðu sem hann hélt í NewHampshire í gær lýsti hann hryllingi sínum yfir því að Bandaríkin tækju við 200 þúsund sýrlenskum flóttamönnum.
Trump, sem leiðir í kapphlaupinu um að verða forsetaefni flokksins, hét því að ef hann yrði kjörinn forseti yrðu allir hælisleitendur sendir til síns heima.
