Jakob Örn Sigurðarson heldur uppteknum hætti með sænska liðinu Borås og skoraði í kvöld 20 stig fyrir liðið er það vann góðan sigur á Luleå í kvöld, 102-85.
Jakob skoraði 20 stig, tók þrjú fráköst og gaf tvær stoðsendingar á þeim 32 mínútum sem hann spilaði í leiknum. Hann var næststigahæsti leikmaður Borås í leiknum.
Borås er í öðru sæti deildarinnar með tólf stig að loknum átta umferðum. Södertälje er í efsta sæti með fullt hús stiga.
Jakob með 20 stig í sigri
