Rándýrt reiðnámskeið fyrir stönduga fanga Kvíabryggju Jakob Bjarnar skrifar 10. nóvember 2015 09:55 Björn rektor sér ekkert því til fyrirstöðu að setja upp reiðnámskeið fyrir fanga á Kvíabryggju, enda þeir ekki hættulegir í daglegri umgengni. Landbúnaðarháskóli Íslands skipulagði sérstakt reiðnámskeið fyrir fimm fanga Kvíabryggju. Send var inn beiðni til fangelsisyfirvalda þar sem óskað var leyfi til að stunda slíkt nám. Námskeiðið er dýrt og samkvæmt heimildum Vísis voru það þeir bankamenn sem nú afplána á Kvíabryggju sem vildu læra að sitja hest. Fyrirhugað námskeiðahald var slegið af í gærkvöldi. Námið er tengt fyrirtækinu Reiðmanninum en á vegum LbhÍ. Námið felur meðal annars í sér verklega kennslu, þar sem kennt er alls í 16 daga, þá um helgar og í fullbúinni reiðskemmu sem er á næsta bæ við fangelsið. Þar hefur fengist hesthúsapláss með fullum afnotum í sex mánuði. Til stóð að námskeiðið hæfist 7. nóvember, það er um síðustu helgi og að því ljúki 3. apríl. Ekkert verður af því.Páll Winkel fangelsismálastjóri var ekki hrifinn af fyrirhuguðu námskeiðahaldi.visir/andri marinó.Vísir bar málið undir Pál Winkel fangelsismálastjóra og hann staðfesti að svona sé þetta í pottinn búið. „Sko, við viljum ekki koma í veg fyrir nám fanga en það verður alltaf að taka mið af því að viðkomandi eru frelsissviptir auk þess sem jafnræði er grundvallarstef í okkar vinnu, alltaf og alls staðar. Að öðru leyti vísa ég málinu til rektors skólans sem ber ábyrgð á gjörningnum,“ segir Páll í samtali við Vísi.Búið að slá námskeiðið afBjörn Þorsteinsson er rektor Landbúnaðarháskólans og hann segir að honum skiljist að námskeiðinu hafi verið aflýst. Það gerðist í gærkvöldi. „Það er nú bara einhliða ákvörðun fangelsismálastofnunar.“ Björn segir að LbhÍ hafi í sjálfu sér ekki lagt sérstaka vinnu í þetta fyrirhugaða námskeiðahald. „Nei, þetta er standard námskeið sem við bjóðum fyrir þá hópa sem hafa áhuga á því. Sinnum þeim hópum og þeim óskum sem menn setja fram. Við mismunum ekkert fólki, lítum svo á að ef fangarnir hefðu leyfi og rétt til að fara á námskeiðið gætum við sinnt þeim eins og hverjum öðrum. Ekki okkar að tálma frelsi fanga ef svo ber undir. Þetta eru endurmenntunarnámskeið, eru algerlega borin upp af námskeiðagjöldunum. Endurmenntunardeildinni er gert að bera sig. Snertir ekki fjárhagsáætlun skólans.“En, þetta mega heita sérstakar aðstæður, ekki satt? „Það er ekki okkar að setja reglurnar um það, hvað þarf við. Þessir fangar eru ekki hættulegir í daglegri umgengni. Annað ef þú ert með ofbeldisfulla fanga og keðjusaganámskeið í skógi, þá held ég að okkar fólk væri ekki mjög spennt.“En, er það ekki rétt að það þurfi tiltekinn fjölda svo hægt sé að halda námskeiðið? „Í sjálfu sér ekki,“ segir Björn rektor. „Það er bara þeim mun dýrara sem eru færri.“ Og samkvæmt heimildum Vísis voru peningar engin fyrirstaða hvað varðaði óskir og bollaleggingar um að koma þessu tiltekna námskeiði á koppinn.540 þúsund auk hesta og reiðtygja Til glöggvunar, Vísir hefur undir höndum svör Björns við fyrirspurn Páls vegna málsins þar sem fram kemur að LbhÍ standi fyrir þessari námskeiðaröð. Þá kemur fram að áætlaður heildarkostnaður við þessa námskeiðaröð er 2.690.000 miðað við fimm nemendur og því að hver um sig borgi 538.000 á mann. „Innifalið í heildarpakka hvers nemanda er hesthúspláss í 6 mánuði að Bergi og aðgangur að reiðaðstöðu, bóklegu áfangarnir Hestamennska REI1000 og Reiðmennska A REI2000 og verklegu áfangarnir Hestamennska REI1500 og Reiðmennska A REI2500. Þetta eru samtals 16,5 framhaldsskólaeiningar.“ Einnig kemur fram að nemendur greiði skólanum námskeiðsgjald. Skólinn greiðir fyrir leigu á aðstöðu yfir tímabilið og laun kennara en nemendur þurfa að útvega sér námsgögnin sjálfir, það er sjálf hrossin og reiðtygi.Bankamennirnir vilja læra að sitja hrossÞessi svör Björns eru samkvæmt upplýsingum starfsmanns í endurmenntunardeild, sem er Heimir Gunnarsson. Sjálfur svarar rektor því til, varðandi það hvort ráð sé fyrir þessu gert í rekstraráætlun LbhÍ, skóla sem er í fjárþröng – hvort þetta sé fjáröflunarleið; að svo sé ekki. Endurmenntunardeild sé gert að standa undir sér en hún þarf ekki að skila hagnaði.Samkvæmt heimildum Vísis voru það þeir sem hlutu þunga dóma í hinu svokallaða Al-Thani máli sem vilja nota tækifærið og læra að sitja hest.VísirFyrir liggur að ekki er á færi meðalfanga að greiða fyrir námskeið sem þetta en samkvæmt heimildum Vísis er um að ræða þá banka- og kaupsýslumenn sem nú afplána á Kvíabryggju sem vilja stunda áðurnefnt nám. Páll Winkel fangelsismálastjóri, sagði í samtali við Vísi nú fyrir stundu, að námskeiðið hafi verið stoppað af, á síðstu stundu, og vísar hann í reglur um afplánun og jafnræði fanga. „Þetta eru lög um fullnustu refsinga. Menn geta ekki farið í nám út úr fangelsinu nema að uppfylltum skilyrðum sem ekki voru til staðar.“ Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Föst í Portúgal: „Siðlaust“ að fljúga vélunum út í morgun Innlent Erlendir miðlar fjalla um gjaldþrot Play Erlent Þriggja ára fangelsi: Tók ekki mark á lygilegri frásögn Innlent Lítur svo á að hann njóti ekki trausts og hefur beðist lausnar Innlent Bílstjórinn þrettán ára Innlent Fleiri fréttir Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Sjá meira
Landbúnaðarháskóli Íslands skipulagði sérstakt reiðnámskeið fyrir fimm fanga Kvíabryggju. Send var inn beiðni til fangelsisyfirvalda þar sem óskað var leyfi til að stunda slíkt nám. Námskeiðið er dýrt og samkvæmt heimildum Vísis voru það þeir bankamenn sem nú afplána á Kvíabryggju sem vildu læra að sitja hest. Fyrirhugað námskeiðahald var slegið af í gærkvöldi. Námið er tengt fyrirtækinu Reiðmanninum en á vegum LbhÍ. Námið felur meðal annars í sér verklega kennslu, þar sem kennt er alls í 16 daga, þá um helgar og í fullbúinni reiðskemmu sem er á næsta bæ við fangelsið. Þar hefur fengist hesthúsapláss með fullum afnotum í sex mánuði. Til stóð að námskeiðið hæfist 7. nóvember, það er um síðustu helgi og að því ljúki 3. apríl. Ekkert verður af því.Páll Winkel fangelsismálastjóri var ekki hrifinn af fyrirhuguðu námskeiðahaldi.visir/andri marinó.Vísir bar málið undir Pál Winkel fangelsismálastjóra og hann staðfesti að svona sé þetta í pottinn búið. „Sko, við viljum ekki koma í veg fyrir nám fanga en það verður alltaf að taka mið af því að viðkomandi eru frelsissviptir auk þess sem jafnræði er grundvallarstef í okkar vinnu, alltaf og alls staðar. Að öðru leyti vísa ég málinu til rektors skólans sem ber ábyrgð á gjörningnum,“ segir Páll í samtali við Vísi.Búið að slá námskeiðið afBjörn Þorsteinsson er rektor Landbúnaðarháskólans og hann segir að honum skiljist að námskeiðinu hafi verið aflýst. Það gerðist í gærkvöldi. „Það er nú bara einhliða ákvörðun fangelsismálastofnunar.“ Björn segir að LbhÍ hafi í sjálfu sér ekki lagt sérstaka vinnu í þetta fyrirhugaða námskeiðahald. „Nei, þetta er standard námskeið sem við bjóðum fyrir þá hópa sem hafa áhuga á því. Sinnum þeim hópum og þeim óskum sem menn setja fram. Við mismunum ekkert fólki, lítum svo á að ef fangarnir hefðu leyfi og rétt til að fara á námskeiðið gætum við sinnt þeim eins og hverjum öðrum. Ekki okkar að tálma frelsi fanga ef svo ber undir. Þetta eru endurmenntunarnámskeið, eru algerlega borin upp af námskeiðagjöldunum. Endurmenntunardeildinni er gert að bera sig. Snertir ekki fjárhagsáætlun skólans.“En, þetta mega heita sérstakar aðstæður, ekki satt? „Það er ekki okkar að setja reglurnar um það, hvað þarf við. Þessir fangar eru ekki hættulegir í daglegri umgengni. Annað ef þú ert með ofbeldisfulla fanga og keðjusaganámskeið í skógi, þá held ég að okkar fólk væri ekki mjög spennt.“En, er það ekki rétt að það þurfi tiltekinn fjölda svo hægt sé að halda námskeiðið? „Í sjálfu sér ekki,“ segir Björn rektor. „Það er bara þeim mun dýrara sem eru færri.“ Og samkvæmt heimildum Vísis voru peningar engin fyrirstaða hvað varðaði óskir og bollaleggingar um að koma þessu tiltekna námskeiði á koppinn.540 þúsund auk hesta og reiðtygja Til glöggvunar, Vísir hefur undir höndum svör Björns við fyrirspurn Páls vegna málsins þar sem fram kemur að LbhÍ standi fyrir þessari námskeiðaröð. Þá kemur fram að áætlaður heildarkostnaður við þessa námskeiðaröð er 2.690.000 miðað við fimm nemendur og því að hver um sig borgi 538.000 á mann. „Innifalið í heildarpakka hvers nemanda er hesthúspláss í 6 mánuði að Bergi og aðgangur að reiðaðstöðu, bóklegu áfangarnir Hestamennska REI1000 og Reiðmennska A REI2000 og verklegu áfangarnir Hestamennska REI1500 og Reiðmennska A REI2500. Þetta eru samtals 16,5 framhaldsskólaeiningar.“ Einnig kemur fram að nemendur greiði skólanum námskeiðsgjald. Skólinn greiðir fyrir leigu á aðstöðu yfir tímabilið og laun kennara en nemendur þurfa að útvega sér námsgögnin sjálfir, það er sjálf hrossin og reiðtygi.Bankamennirnir vilja læra að sitja hrossÞessi svör Björns eru samkvæmt upplýsingum starfsmanns í endurmenntunardeild, sem er Heimir Gunnarsson. Sjálfur svarar rektor því til, varðandi það hvort ráð sé fyrir þessu gert í rekstraráætlun LbhÍ, skóla sem er í fjárþröng – hvort þetta sé fjáröflunarleið; að svo sé ekki. Endurmenntunardeild sé gert að standa undir sér en hún þarf ekki að skila hagnaði.Samkvæmt heimildum Vísis voru það þeir sem hlutu þunga dóma í hinu svokallaða Al-Thani máli sem vilja nota tækifærið og læra að sitja hest.VísirFyrir liggur að ekki er á færi meðalfanga að greiða fyrir námskeið sem þetta en samkvæmt heimildum Vísis er um að ræða þá banka- og kaupsýslumenn sem nú afplána á Kvíabryggju sem vilja stunda áðurnefnt nám. Páll Winkel fangelsismálastjóri, sagði í samtali við Vísi nú fyrir stundu, að námskeiðið hafi verið stoppað af, á síðstu stundu, og vísar hann í reglur um afplánun og jafnræði fanga. „Þetta eru lög um fullnustu refsinga. Menn geta ekki farið í nám út úr fangelsinu nema að uppfylltum skilyrðum sem ekki voru til staðar.“
Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Föst í Portúgal: „Siðlaust“ að fljúga vélunum út í morgun Innlent Erlendir miðlar fjalla um gjaldþrot Play Erlent Þriggja ára fangelsi: Tók ekki mark á lygilegri frásögn Innlent Lítur svo á að hann njóti ekki trausts og hefur beðist lausnar Innlent Bílstjórinn þrettán ára Innlent Fleiri fréttir Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Sjá meira