Suðurnesjaliðin með örugga sigra

Suðurnesjaliðin Grindavík og Keflavík unnu leiki sína í Dominos-deild kvenna, en þrír leikir fóru fram í deildinni í kvöld. Suðurnesjaliðin unnu nokkuð þægilega sigra.

Grindavík setti tóninn gegn Hamri strax í fyrsta leikhluta, en þær unnu fyrsta leikhlutann 28-12. Þær unnu svo leikhluta tvö 36-13 og hálfleikstölur, 64-25.

Þetta var því algjört formsatriði fyrir Grindavík í síðari hálfleik sem vann að lokum 54 stiga sigur, 102-48. Grindavík er áfram í þriðja sætinu eftir sigurinn, en Hamar er á botninum með tvö stig.

Whitney Michelle Frazier var stigahæst hjá Grindavík með 24 stig, en auk þess tók hún tíu fráköst og gaf átta stoðsendingar. Jenný var stigahæst hjá Hamri með ellefu stig.

Keflavík vann góðan 23 stiga sigur á Stjörnunni í Keflavík, en lokatölur urðu 75-52 fyrir Keflavík.

Heimastúlkur unnu alla fjóra leikhlutana í kvöld, en þær voru 35-27 yfir í hálfleik. Þær héldu vel á taumunum í síðari hálfleik og unnu að lokum 23 stiga sigur, eins og fyrr segir, 75-52.

Melissa Zorning gerði sautján stig fyrir heimastúlkur, tók fimm fráköst og gaf þrjár stoðsendingar. Hjá gestunum var það Margrét Kara Sturludóttir sem var atkvæðamest með tuttugu stig, átta fráköst og fjórar stoðsendingar.

Keflavík er í fjórða sætinu með átta stig, tveimur stigum á eftir grönnum sínum í Grindavík. Stjarnan er í næst neðsta sætinu með fjögur stig, tveimur stigum frá öruggu sæti í deildinni.

Nánar má lesa um leik Snæfells og Hauka hér.

Keflavík-Stjarnan 75-52 (17-12, 18-15, 17-11, 23-14)

Keflavík: Melissa Zorning 17/5 fráköst, Sandra Lind Þrastardóttir 13/16 fráköst, Bríet Sif Hinriksdóttir 11/4 fráköst, Thelma Dís Ágústsdóttir 8, Guðlaug Björt Júlíusdóttir 7/6 fráköst/8 stoðsendingar, Þóranna Kika Hodge-Carr 6, Emelía Ósk Gunnarsdóttir 6, Irena Sól Jónsdóttir 5, Katla Rún Garðarsdóttir 2.

Stjarnan: Margrét Kara Sturludóttir 20/8 fráköst, Ragna Margrét Brynjarsdóttir 15/8 fráköst, Bryndís Hanna Hreinsdóttir 13, Eva María Emilsdóttir 4/5 fráköst.

Grindavík-Hamar 102-48 (28-12, 36-13, 20-11, 18-12)

Grindavík: Whitney Michelle Frazier 24/10 fráköst/8 stoðsendingar, Sigrún Sjöfn Ámundadóttir 22/17 fráköst/10 stoðsendingar/6 stolnir, Ingunn Embla Kristínardóttir 13, Björg Guðrún Einarsdóttir 11, Halla Emilía Garðarsdóttir 10/8 fráköst, Íris Sverrisdóttir 9/9 fráköst, Lilja Ósk Sigmarsdóttir 7/9 fráköst, Ólöf Rún Óladóttir 4, Hrund Skuladóttir 2.

Hamar: Jenný Harðardóttir 11, Salbjörg Ragna Sævarsdóttir 10/7 fráköst/5 varin skot, Suriya McGuire 6/4 fráköst, Nína Jenný Kristjánsdóttir 6, Margrét Hrund Arnarsdóttir 4, Jóna Sigríður Ólafsdóttir 3, Heiða Björg Valdimarsdóttir 2, Jóhanna Herdís Sævarsdóttir 2, Íris Ásgeirsdóttir 2, Hrafnhildur Magnúsdóttir 2.