Innlent

Engin þörf á brynvörðum bíl

Kolbeinn Tumi Daðason skrifar
Parið ku eftir atvikum vera í góðu yfirlæti að Lambafelli.
Parið ku eftir atvikum vera í góðu yfirlæti að Lambafelli. Vísir/Vilhelm
Ekkert verður af því að brynvarinn bíll verður sendur að gistiheimili við Lambafell undir Eyjafjöllum þar sem talið var í fyrstu að karlmaður, sem síðar kom í ljós að var par, væri í sjálfheldu. Samband rofnaði við þau en maðurinn er starfsmaður á gistiheimilinu og var kærasta hans í heimsókn. Nú hefur komið í ljós að parið er í góðu yfirlæti og ekki hætta á ferðum. 

„Þau hringdu inn og sögðu okkur frá því að hluti af þakinu væri farið af húsinu,“ segir Sveinn Kristján Rúnarsson, yfirlögregluþjónn á Suðurlandi. Í kjölfarið hafi samband rofnað við fólkið og lítið vitað um stöðuna. 

Því hafi verið tekin ákvörðun um að kalla eftir brynvarða bílnum úr Skaftafelli. Aðstoð hans hefur verið afturkölluð.

„Við heyrðum í honum núna og þau eru bara í rólegheitum, komin í gott skjól. Þau fá heimsókn frá okkur á morgun þegar veðrið lagast.“

Aðalsteinn Gíslason, sem rekur gistiheimilið að Lambafelli, segir enga gesti hafa verið á hótelinu. Þau hafi fyrr í dag hringt í alla sem áttu bókaða gistingu og látið þau vita af veðurspám. Allir hafi fengið endurgreitt.

Veður

Tengdar fréttir

Mest lesið


Fleiri fréttir

Sjá meira


×

Mest lesið