Spila á básúnu og píanó

Carlos Caro Aguilera básúnuleikari og Ástríður Alda Sigurðardóttir píanóleikari spila í Kaldalóni í Hörpu sunnudaginn, 6. febrúar, kl. 16. Tónleikarnir tilheyra röðinni Tónsnillingar morgundagsins.

Á efnisskránni eru verk eftir Sulek, Saint-Saens, Guilmant, Hindemith og Reiche.

Carlos Aguilera er spánskur en flutti til Íslands í júlí 2013 og starfar sem básúnukennari hjá Skólahljómsveit Kópavogs og Ástríður Alda leikur með kammerhópnum Elektra Ensemble og tangósveitinni Fimm í tangó. Hún hefur gefið út sólóplötuna CHOPIN 2010.