Með myndadellu frá því ég var krakki Gunnþóra Gunnarsdóttir skrifar 1. maí 2015 10:30 ?Ég hef sett mér það markmið að reyna að búa til eina grafíkmynd á mánuði og mér tekst það,? segir Tryggvi. Vísir/GVA ?Já, ég er að opna sýningu eina ferðina enn. Þær eru orðnar nálægt áttatíu. Milli þrjátíu og fjörutíu hér á landi og álíka margar í Danmörku,? segir Tryggvi Ólafsson myndlistarmaður um sýningu sem hann er að opna í Galleríi Fold í dag. Hún heitir Ný grafík enda eru þar eingöngu grafíkmyndir frá tveimur síðustu árum, að sögn listamannsins. ?Ég hef sett mér það markmið að reyna að búa til eina grafíkmynd á mánuði og mér tekst það. Fyrir aumingja, þá er það gott.? Hér er hann að vísa til þess að hann hefur ekki fulla starfsorku og er bundinn hjólastól. ?Ég datt og hálsbraut mig. Bara úti á svölum heima hjá mér í Kaupmannahöfn,? útskýrir hann. ?Frúin mín, hún Gerður, var sem betur fór heima, annars er ekkert víst að ég væri á lífi en eftir þetta slys fluttum við heim til Íslands.? Tryggvi segist ekkert vita hvaðan hann hafi listfengið. ?Ég er bara fæddur með þessa myndadellu, hún hefur fylgt mér síðan ég var smákrakki, ég sökkti mér í að skoða myndir, bækur og bæklinga og þegar ég ferðast er ég alltaf að skoða söfn og kirkjur.? Tryggvi verður 75 ára í sumar og hefur málað í 60 ár. Hann ólst upp á Norðfirði til sextán ára aldurs. ?Ég málaði fjöllin og skipin eins og allir strákar úti á landi,? segir hann en kveðst þó ekki eiga margar slíkar myndir heldur vera búinn að gefa þær allar. Það beinir huganum að höfðinglegri gjöf hans á sumardaginn fyrsta er hann afhenti borgarstjóranum 210 myndir, tvær til handa hverjum grunn- og leikskóla borgarinnar. Með því vildi hann tryggja að börn hefðu myndlist fyrir augunum í skólunum. Sjálfur naut hann ekki slíks munaðar. ?Það var ekki ein einasta mynd í skólunum á Norðfirði þegar ég var þar, hvorki barnaskólanum né gagnfræðaskólanum,? minnist hann og finnst svona gjöf ekkert tiltökumál. ?Ég er búinn að gefa fleiri hundruð myndir um dagana,? segir hann. ?Það hefur alltaf verið mín skoðun að þeir eigi að gefa sem eiga. Hef alltaf verið sósíalisti.? Þegar ég spyr Tryggva hvort ég megi ekki senda til hans ljósmyndara svo við getum myndskreytt þetta viðtal svarar hann: ?Jú, ætli það ekki, þó ég hati að vera myndaður. Mér finnst það alltaf vera eins og að vera fermdur upp á nýtt!? Sýningin hans Tryggva, Ný grafík, verður opnuð í Galleríi Fold, Rauðarárstíg, í dag, 1. maí, milli klukkan 15 og 17. Þar verður vínglas og músík og allir velkomnir. Menning Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
?Já, ég er að opna sýningu eina ferðina enn. Þær eru orðnar nálægt áttatíu. Milli þrjátíu og fjörutíu hér á landi og álíka margar í Danmörku,? segir Tryggvi Ólafsson myndlistarmaður um sýningu sem hann er að opna í Galleríi Fold í dag. Hún heitir Ný grafík enda eru þar eingöngu grafíkmyndir frá tveimur síðustu árum, að sögn listamannsins. ?Ég hef sett mér það markmið að reyna að búa til eina grafíkmynd á mánuði og mér tekst það. Fyrir aumingja, þá er það gott.? Hér er hann að vísa til þess að hann hefur ekki fulla starfsorku og er bundinn hjólastól. ?Ég datt og hálsbraut mig. Bara úti á svölum heima hjá mér í Kaupmannahöfn,? útskýrir hann. ?Frúin mín, hún Gerður, var sem betur fór heima, annars er ekkert víst að ég væri á lífi en eftir þetta slys fluttum við heim til Íslands.? Tryggvi segist ekkert vita hvaðan hann hafi listfengið. ?Ég er bara fæddur með þessa myndadellu, hún hefur fylgt mér síðan ég var smákrakki, ég sökkti mér í að skoða myndir, bækur og bæklinga og þegar ég ferðast er ég alltaf að skoða söfn og kirkjur.? Tryggvi verður 75 ára í sumar og hefur málað í 60 ár. Hann ólst upp á Norðfirði til sextán ára aldurs. ?Ég málaði fjöllin og skipin eins og allir strákar úti á landi,? segir hann en kveðst þó ekki eiga margar slíkar myndir heldur vera búinn að gefa þær allar. Það beinir huganum að höfðinglegri gjöf hans á sumardaginn fyrsta er hann afhenti borgarstjóranum 210 myndir, tvær til handa hverjum grunn- og leikskóla borgarinnar. Með því vildi hann tryggja að börn hefðu myndlist fyrir augunum í skólunum. Sjálfur naut hann ekki slíks munaðar. ?Það var ekki ein einasta mynd í skólunum á Norðfirði þegar ég var þar, hvorki barnaskólanum né gagnfræðaskólanum,? minnist hann og finnst svona gjöf ekkert tiltökumál. ?Ég er búinn að gefa fleiri hundruð myndir um dagana,? segir hann. ?Það hefur alltaf verið mín skoðun að þeir eigi að gefa sem eiga. Hef alltaf verið sósíalisti.? Þegar ég spyr Tryggva hvort ég megi ekki senda til hans ljósmyndara svo við getum myndskreytt þetta viðtal svarar hann: ?Jú, ætli það ekki, þó ég hati að vera myndaður. Mér finnst það alltaf vera eins og að vera fermdur upp á nýtt!? Sýningin hans Tryggva, Ný grafík, verður opnuð í Galleríi Fold, Rauðarárstíg, í dag, 1. maí, milli klukkan 15 og 17. Þar verður vínglas og músík og allir velkomnir.
Menning Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira