Falleg litasamsetning í ferskri fatalínu

Fatahönnuðurinn Magnea Einarsdóttir kynnti nýja fatalínu sína í gærkvöldi í Dansverkstæðinu við Skúlagötu. 

Hönnuðurinn, sem hannar undir merkinu MAGNEA, er þekkt fyrir fatnað sinn þar sem hún leggur áherslu á prjón og íslenska ull með ferskri nálgun og var engin undan tekning á því í þessari nýju línu. Falleg litasamsetning stóð upp úr í þessari línu sem mun sóma sér vel í fataskápum landans næsta haust. 

Munstrin í línunni voru unnin í samstarfi við Laufeyju Jónsdóttur, fatahönnuð og teiknara þar sem leitast var við að vinna út frá áherslum fatamerkisins til þessa. Munstrin voru blásin upp í innsetningu í sýningarrýminu sem unnin var úr hráefni frá íslenska ullarframleiðandanum ÍSTEX.

Viðburðurinn var haldinn í samstarfi við MAC, Label M, Eskimo Models og Kaupfélagið en Kanilsnældur sáu um tónlistina. 

Hér kemur smá sýnishorn af flottri línu MAGNEU: