„Það kom ekki til álita af hálfu Landsbankans að tengja söluverðið við niðurstöður í rekstri félagsins í framtíð, en að mati bankans hefði slíkt fyrirkomulag væntanlega bæði falið í sér kröfu kaupenda um endurgreiðslu á hluta söluverðs ef rekstraráætlanir myndu ekki ganga eftir á sama hátt og að aukagreiðsla myndi koma til ef rekstarniðurstaða yrði umfram áætlanir.“
Landsbankinn taldi töluverða hættu á að rekstrarmarkmið stjórnenda um vöxt myndi ekki nást. Bent var á samdrátt í erlendum tekjum Valitor því til stuðnings. Verðmat Landsbankans byggði engu síður á að byggði á töluverðum vexti Borgunar, í samræmi við áætlanir stjórnenda fyrirtækisins.
Þá hafi bankanum ekki verið kunnugt um annað verðmat áður en fyrirtækið hafi verið selt.
![](https://www.visir.is/i/73D96CCD05A3FCA042E3E95852ACB4D6FF117D9152913C6DAD0EF3037DA6857A_390x0.jpg)
Samkvæmt sviðsmyndum sem Landsbankinn lagði upp með fyrir söluna um framtíðarvöxt Borgunar taldi bankinn hlut sinn í Borgun vera 1,7 til 2,4 milljarða virði. Niðurstaðan var að selja hlutinn á 2,2 milljarða króna.
Samkvæmt verðmati sem Morgunblaðið greindi frá í febrúar er hluturinn metinn á um 8 milljarða króna. Þá seldu stjórnendur Borgunar hlut í fyrirtækinu sumarið 2015 miðað við að 30,12 prósent hlutur í Borgun væri 3,4 milljarða króna virði.
Í nóvember á síðasta ári var svo upplýst um að Visa International myndi kaupa Visa Europe og íslensk kortafyrirtæki fengju milljarðagreiðslur fyrir. Bókfærður hagnaður vegna fyrirhugaðra kaupa Visa International á Visa Europe var 5,4 hjá Borgun á síðasta ári. Landsbankinn hefur sagt að hann hafi ekki haft neinar upplýsingar um að Borgun ætti rétt á greiðslum vegna valréttar Visa International.
Þá nam hagnaður af reglulegri starfsemi Borgunar 1,5 milljarði króna. Borgun hefur greitt 3 milljarða í arð síðan Landsbankinn seldi hlut í fyrirtækinu og því hafa 932 milljónir króna fallið í hlut hópsins sem keypti hlut Landsbankans.
![](https://www.visir.is/i/8A567A4EF03B74FB3466736E8F37929287E50FC7ACB38A6523CAF275759CE5A6_390x0.jpg)
Önnur sviðsmyndin byggði á hægara vexti erlendis hjá Borgun, aðeins 3% vöxtur yrði milli ára og krafan á eigin fé væri 15%. Miðað við það væri hlutur Landsbankans í Borgun 1,7 milljarða virði.
Þriðja sviðsmyndin byggði á því að rekstraráætlun stjórnenda Borgunar gengi eftir en ekki væri gert fyrir hækkun eigin fjárhlutfalls líkt og í sviðsmynd eitt og því væri hærri arður greiddur út. Miðað við þær forsendur var hlutur Landsbankans í Borgun metin á 2,4 milljarða króna.
Svar Landsbankans má sjá í heild sinni í skjalinu hér að neðan.