Meðal tíu bestu í heimi

Íslenska fyrirtækið Reykjavík Letter­press hefur verið valið af virta tímaritinu Print Magazine sem ein af tíu bestu Letterpress-prentstofum í heiminum. Fyrirtækið skipar annað sætið á listanum, á eftir Sweet Letter­press & Design Studio í Boulder í Coloradofylki í Bandaríkjunum.

Letterpress er aldagömul prentaðferð með nútímatvisti. Grafísku hönnuðirnir Hildur Sigurðardóttir og Ólöf Birna Garðarsdóttir stofnuðu hönnunarstofuna árið 2010. Þær framleiða meðal annars nafnspjöld, merkimiða, stílabækur og glasamottur. Auk þess hanna þær og framleiða eigin vörulínu þar sem áhersla er lögð á gleði og leik í texta og grafík.

Fréttin birtist fyrst í Fréttablaðinu