Endurtekur Noregur leikinn frá því 2012?

Noregur átti í engum vandræðum með Angóla á Ólympíuleikunum í handbolta, en Noregur vann tíu marka sigur, 30-20.

Noregur byrjaði af krafti og skoraði þrjú fyrstu mörkin. Eftir stundarfjórðung var staðan 10-3 fyrir Noreg og í hálfleik var átta marka munur, 16-8.

Í síðari hálfleik varð þetta aldrei spurning hvoru megin sigurinn myndi enda og varð munurinn að lokum tíu mörk, en lokatlöur urðu 30-20.

Nora Mørk fór á kostum í liði Noregs og skoraði átta mörk, en alls komust níu leikmann á blað fyrir Noreg.

Noregur er því með fjögur stig eftir leikina þrjá, en þær töpuðu fyrir Brasilíu í fyrsta leiknum. Þær hafa nú unnið tvo leiki í röð, en það er spurning hvort það verði sama uppi á teningnum hjá norska liðinu nú og á Ólympíuleikunum 2012 þar sem þær töpuðu fyrsta leiknum og unnu svo restina af leikjunum og mótið sjálft.

Selfyssingurinn Þórir Hergeirson þjálfar Noreg.