Bein útsending: Tilkynnt um Nóbelsverðlaun í efnafræði

Sænska Nóbelsnefndin mun tilkynna um hver eða hverjir hljóta Nóbelsverðlaunin í efnafræði á fréttamannafundi frá Stokkhólmi innan skamms.

Sýnt er beint frá fréttamannafundi nefndarinnar en útsending hefst klukkan 9:45. Hægt er að fylgjast með útsendingunni að neðan.







 

 

Svíinn Tomas Lindahl, Bandaríkjamaðurinn Paul Modrich og Tyrkinn Aziz Sancar hlutu Nóbelsverðlaun í efnafræði á síðasta ári fyrir rannsóknir sínar á lagfæringum fruma á erfðaefni.

Nóbelsnefndin tilkynnti í gær að bresku eðlisfræðingarnir David Thouless, Duncan Haldane og Michael Kosterlitz hefðu hlotið Nóbelsverðlaun í eðlisfræði í gær fyrir sögulegar og þýðingarmiklar uppgötvanir á sviði þéttefnisfræði.

Nefndin greindi svo frá því á mánudag að japanski frumulíffræðingurinn Yoshinori Oshumi hafi hlotið Nóbelsverðlaunin í lífeðlis- og læknisfræðifyrir mikilvægar uppgötvanir sínar á svokölluðu sjálfsáti frumna, eða „autophagy“.