Fjórir nýliðar í landsliðshópnum

Ívar Ásgrímsson, landsliðsþjálfari kvenna í körfubolta, er búinn að velja fimmtán manna æfingahóp sem kemur saman 13. nóvember til undirbúnings fyrir síðustu tvo leiki liðsins í undankeppni EM 2017.

Ísland mætir Slóvakíu 19. nóvember ytra og svo Portúgal í Laugardalshöllinni 23. nóvember. Ísland er ekki í góðri stöðu í riðlinum þegar aðeins tveir leikir eru eftir.

Miklar breytingar eru á hópnum en ungir leikmenn fá tækifæri að þessu sinni. Fjórir nýliðar eru í hópnum en það eru Keflvíkingarnir Emelía Ósk Gunnarsdóttir, Thelma Dís Ágústsdóttir og Birna Valgerður Benónýsdóttir auk Ragnheiðar Benónísdóttur úr Skallagrími.

Helena Sverrisdóttir og Margrét Kara Sturludóttir eru á meðal þeirra reynslubolta sem verða ekki með en þær eru báðar barnshafandi.

Hópurinn:

Berglind Gunnarsdóttir - Snæfell

Birna Valgerður Benónýsdóttir - Keflavík

Elín Sóley Hrafnkelsdóttir - Valur

Emelía Ósk Gunnarsdóttir - Keflavík

Gunnhildur Gunnarsdóttir - Snæfell

Hallveig Jónsdóttir - Valur

Ingibjörg Jakobsdóttir - Grindavík

Ingunn Embla Kristínardóttir - Grindavík

Pálína María Gunnlaugsdóttir - Snæfell

Ragna Margrét Brynjarsdóttir - Stjarnan

Ragnheiður Benónísdóttir - Skallagrímur

Salbjörg Ragna Sævarsdóttir - Keflavík

Sandra Lind Þrastardóttir - Horsholms

Sigrún Sjöfn Ámundadóttir - Skallagrímur

Thelma Dís Ágústsdóttir - Keflavík