Trump-fólkið á Íslandi fer með veggjum Jakob Bjarnar skrifar 8. nóvember 2016 09:56 Sjaldan eða aldrei hefur reynst eins erfitt að finna stuðningsmenn tiltekinna forsetaframbjóðenda í USA og nú. Oftast er það svo að harðasti kjarni Sjálfstæðismanna styður frambjóðanda Republicana en því er ekki fyrir að fara nú og hefur til að mynda Hannes Hólmsteinn Gissurarson prófessor lýst því yfir sérstaklega að honum hugnist Trump ekki. Í nótt ráðast úrslitin í æsispennandi forsetakosningum í Bandaríkjunum. Þó allra nýjustu tíðindi herma að líklegra sé að Hillary Clinton sigri er fráleitt að afskrifa megi Donald Trump. Báðir frambjóðendurnir eru reyndar með ólíkindum óvinsælir. Sé miðað við andann í Bandaríkjunum líta margir svo á að þessar kosningar séu þeim til háðungar. Og fjölmargir tala um að valið standi á milli tveggja vondra kosta. „Lesser of two evils.“ Trump-menn úthrópaðir á Íslandi Æsispennandi þýðir einfaldlega það að kjósendur skiptast í svo gott sem jafnstóra hópa. En svo virðist sem Trump sé einstaklega óvinsæll á Íslandi. Vísir gerði heiðarlega tilraun til að finna og ræða við íslenska stuðningsmenn Trumps en það er varla að blaðamaður hefði erindi sem erfiði. Sem er athyglisvert í sjálfu sér. Svo virðist sem svo að þeir fari nánast huldu höfði, þeir sem lýsa yfir stuðningi eru úthrópaðir. Skýrasta dæmi þess gerðist fyrr á þessu ári. Þegar Magnús Ingi Magnússon veitingamaður og sjónvarpsstjarna á ÍNN hengdi upp spjald á veitingastað sínum, Texas-Borgurum, hvar sjá mátti Trump í kosningaham. Viðbrögðin voru vægast sagt hörð, tugir ef ekki hundruð höfðu samband við Magnús og töldu þetta fyrir neðan allar hellur og vægast sagt ósmekklegt. Veitingamaðurinn knái sá sitt óvænna, sagði þetta djók og tók veggspjaldið niður og bað þjóðina afsökunar. Nei, ég er Hillary-maður Á Facebook er að finna hóp þar sem heitir „Donald Trump er boðinn velkominn til Íslands“ – hvorki meira né minna. Meðlimir eru 243 og fæstir eru þjóðþekktir einstaklingar. Gústaf Níelsson stjórnmálamaður og álitsgjafi er þar á blaði og hann segist enginn stuðningsmaður Trumps. „Nei og finnst fátt til hans koma. En hann verður forseti held ég og mun standa sig vel. Nýr andblær!“ segir Gústaf í samtali við Vísi. Annar meðlimur hópsins er tónlistarmaðurinn góðkunni og strætóbílstjórinn André Bachmann. Vísir náði honum glóðvolgum í stólnum hjá tannlækni sínum. Hann gat stunið upp, áður en tannlæknirinn rak borinn í skolt hans: „Nei, ég styð ekki Trump. Ég er Hillary-maður.“ Vill síður auglýsa afstöðu sína Margrét Friðriksdóttir, sem vakið hefur talsverða athygli á undanförnum árum vegna einarðs málflutnings gegn moskubyggingum á Íslandi, er hins vegar stuðningsmaður Trumps. Og hún segir það einfaldlega vera svo að hún fari ekki hátt með þennan stuðning. „En, já, ég styð hann. Hillary er svo ógeðslega spillt að Trump er kettlingur við hliðina henni. En, Íslendingar eru svo aftarlega á merinni að það má ekki ræða það. Þetta er vegna þess að hann lætur ekki kaupa sig, það er múta sér, hann er það efnaður að hann þarf þess ekki.“ Þeim sem rýna á Facebooksíðu Árna Samúelssonar hjá SAM-bíóum má ljóst vera að hann er hallur undir Trump. Árni var á kvikmyndahátíð vestra og gat því ekki svarað spurningum Vísis. Margrét segir Hillary vera búin að selja Saudum sálu sína. Og með Trump kæmist í fyrsta skipti friður á milli Rússa og Bandaríkjamanna. Vísir spurði Margréti hvort hún hafi fengið einhver viðbrögð, jafnvel einhver ókvæðisorð, vegna þessarar afstöðu sinnar? „Ég er ekki mikið að auglýsa mína afstöðu, þá er maður safe, offorsið er slíkt hér að maður sleppir því að ræða þessa hluti.“ Árnar tveir sem styðja Trump Annar er sá sem sýnt hefur sig í að vera hallur undir Donald Trump er Árni Samúelsson bíókóngur á Íslandi, það er ef marka má skilaboð á Facebook-vegg hans þar sem hann tengir við ýmsar fréttir sem eru jákvæðar fyrir Trump, neikvæðar fyrir Hillary. Hann er hins vegar var ekki til viðtals, enda er hann staddur á kvikmyndahátíð úti í L.A. Annar Árni, Árni Stefán Árnason lögmaður, sem einkum hefur látið sig varða velferð dýra og er þekktur fyrir það greindi vinum sínum á Facebook frá því að hann héldi með Trump. Reyndar við dræmar undirtektir. Árni Stefán skráði á Facebookvegg sinn nú í nótt: „Trump er á móti fóstureyðingum og múslimum, þess vegna held ég með honum.“ Árni Stefán dýralögfræðingur virðist hafa gert upp hug sinn í nótt en þá lýsti hann yfir stuðningi við Donald Trump. Eflaust eru fleiri sem styðja Donald Trump á Íslandi en þeir hafa þá farið í gegnum reyndar vel stóra möskva Vísis og/eða fara ekki hátt með stuðning sinn. Íslendingar fara í felur með stuðning sinn við Trump Ólafur F. Magnússon, fyrrverandi borgarstjóri, er einnig meðlimur í Facebookhópnum „Donald Trump er boðinn velkominn til Íslands“. Hann óskaði hins eftir því að tjá sig ekki um bandarísku forsetakosningarnar við Vísi, hann væri að einbeita sér að jákvæðari hliðum lífsins. Og bað Vísi um að virða það, sem vitaskuld var auðsótt. Trump er vissulega ákaflega umdeildur en sé litið til þess að kjósendur í Bandaríkjunum skiptast í tiltölulega jafn stóra hópa, þá sem styðja Hillary og þá sem styðja Trump, þó svo að margir líti á það sem val milli tveggja slæmra kosta, má heita athyglisvert að fólk á Íslandi veigri sér hreinlega við að taka afstöðu með Trump, hvað þá gera það opinberlega. Sem má ef til vill vera til marks um ákveðið offors sem einkennir alla umræðu á Íslandi. Donald Trump Forsetakosningar í Bandaríkjunum Mest lesið Haft höggbor beint fyrir utan í hálft ár og kominn með nóg Innlent Föst á Spáni næstu mánuði vegna meðgöngukvilla Innlent Hátt spennustig um borð eftir að ísraelski sjóherinn hóf handtökur Innlent Tveggja vikna tvíburasystrum vísað úr landi Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Refsing fyrir að reyna að myrða lækni þyngd Innlent Miklar breytingar á gjaldskrá leikskóla borgarinnar Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent Fleiri fréttir „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Sjá meira
Í nótt ráðast úrslitin í æsispennandi forsetakosningum í Bandaríkjunum. Þó allra nýjustu tíðindi herma að líklegra sé að Hillary Clinton sigri er fráleitt að afskrifa megi Donald Trump. Báðir frambjóðendurnir eru reyndar með ólíkindum óvinsælir. Sé miðað við andann í Bandaríkjunum líta margir svo á að þessar kosningar séu þeim til háðungar. Og fjölmargir tala um að valið standi á milli tveggja vondra kosta. „Lesser of two evils.“ Trump-menn úthrópaðir á Íslandi Æsispennandi þýðir einfaldlega það að kjósendur skiptast í svo gott sem jafnstóra hópa. En svo virðist sem Trump sé einstaklega óvinsæll á Íslandi. Vísir gerði heiðarlega tilraun til að finna og ræða við íslenska stuðningsmenn Trumps en það er varla að blaðamaður hefði erindi sem erfiði. Sem er athyglisvert í sjálfu sér. Svo virðist sem svo að þeir fari nánast huldu höfði, þeir sem lýsa yfir stuðningi eru úthrópaðir. Skýrasta dæmi þess gerðist fyrr á þessu ári. Þegar Magnús Ingi Magnússon veitingamaður og sjónvarpsstjarna á ÍNN hengdi upp spjald á veitingastað sínum, Texas-Borgurum, hvar sjá mátti Trump í kosningaham. Viðbrögðin voru vægast sagt hörð, tugir ef ekki hundruð höfðu samband við Magnús og töldu þetta fyrir neðan allar hellur og vægast sagt ósmekklegt. Veitingamaðurinn knái sá sitt óvænna, sagði þetta djók og tók veggspjaldið niður og bað þjóðina afsökunar. Nei, ég er Hillary-maður Á Facebook er að finna hóp þar sem heitir „Donald Trump er boðinn velkominn til Íslands“ – hvorki meira né minna. Meðlimir eru 243 og fæstir eru þjóðþekktir einstaklingar. Gústaf Níelsson stjórnmálamaður og álitsgjafi er þar á blaði og hann segist enginn stuðningsmaður Trumps. „Nei og finnst fátt til hans koma. En hann verður forseti held ég og mun standa sig vel. Nýr andblær!“ segir Gústaf í samtali við Vísi. Annar meðlimur hópsins er tónlistarmaðurinn góðkunni og strætóbílstjórinn André Bachmann. Vísir náði honum glóðvolgum í stólnum hjá tannlækni sínum. Hann gat stunið upp, áður en tannlæknirinn rak borinn í skolt hans: „Nei, ég styð ekki Trump. Ég er Hillary-maður.“ Vill síður auglýsa afstöðu sína Margrét Friðriksdóttir, sem vakið hefur talsverða athygli á undanförnum árum vegna einarðs málflutnings gegn moskubyggingum á Íslandi, er hins vegar stuðningsmaður Trumps. Og hún segir það einfaldlega vera svo að hún fari ekki hátt með þennan stuðning. „En, já, ég styð hann. Hillary er svo ógeðslega spillt að Trump er kettlingur við hliðina henni. En, Íslendingar eru svo aftarlega á merinni að það má ekki ræða það. Þetta er vegna þess að hann lætur ekki kaupa sig, það er múta sér, hann er það efnaður að hann þarf þess ekki.“ Þeim sem rýna á Facebooksíðu Árna Samúelssonar hjá SAM-bíóum má ljóst vera að hann er hallur undir Trump. Árni var á kvikmyndahátíð vestra og gat því ekki svarað spurningum Vísis. Margrét segir Hillary vera búin að selja Saudum sálu sína. Og með Trump kæmist í fyrsta skipti friður á milli Rússa og Bandaríkjamanna. Vísir spurði Margréti hvort hún hafi fengið einhver viðbrögð, jafnvel einhver ókvæðisorð, vegna þessarar afstöðu sinnar? „Ég er ekki mikið að auglýsa mína afstöðu, þá er maður safe, offorsið er slíkt hér að maður sleppir því að ræða þessa hluti.“ Árnar tveir sem styðja Trump Annar er sá sem sýnt hefur sig í að vera hallur undir Donald Trump er Árni Samúelsson bíókóngur á Íslandi, það er ef marka má skilaboð á Facebook-vegg hans þar sem hann tengir við ýmsar fréttir sem eru jákvæðar fyrir Trump, neikvæðar fyrir Hillary. Hann er hins vegar var ekki til viðtals, enda er hann staddur á kvikmyndahátíð úti í L.A. Annar Árni, Árni Stefán Árnason lögmaður, sem einkum hefur látið sig varða velferð dýra og er þekktur fyrir það greindi vinum sínum á Facebook frá því að hann héldi með Trump. Reyndar við dræmar undirtektir. Árni Stefán skráði á Facebookvegg sinn nú í nótt: „Trump er á móti fóstureyðingum og múslimum, þess vegna held ég með honum.“ Árni Stefán dýralögfræðingur virðist hafa gert upp hug sinn í nótt en þá lýsti hann yfir stuðningi við Donald Trump. Eflaust eru fleiri sem styðja Donald Trump á Íslandi en þeir hafa þá farið í gegnum reyndar vel stóra möskva Vísis og/eða fara ekki hátt með stuðning sinn. Íslendingar fara í felur með stuðning sinn við Trump Ólafur F. Magnússon, fyrrverandi borgarstjóri, er einnig meðlimur í Facebookhópnum „Donald Trump er boðinn velkominn til Íslands“. Hann óskaði hins eftir því að tjá sig ekki um bandarísku forsetakosningarnar við Vísi, hann væri að einbeita sér að jákvæðari hliðum lífsins. Og bað Vísi um að virða það, sem vitaskuld var auðsótt. Trump er vissulega ákaflega umdeildur en sé litið til þess að kjósendur í Bandaríkjunum skiptast í tiltölulega jafn stóra hópa, þá sem styðja Hillary og þá sem styðja Trump, þó svo að margir líti á það sem val milli tveggja slæmra kosta, má heita athyglisvert að fólk á Íslandi veigri sér hreinlega við að taka afstöðu með Trump, hvað þá gera það opinberlega. Sem má ef til vill vera til marks um ákveðið offors sem einkennir alla umræðu á Íslandi.
Donald Trump Forsetakosningar í Bandaríkjunum Mest lesið Haft höggbor beint fyrir utan í hálft ár og kominn með nóg Innlent Föst á Spáni næstu mánuði vegna meðgöngukvilla Innlent Hátt spennustig um borð eftir að ísraelski sjóherinn hóf handtökur Innlent Tveggja vikna tvíburasystrum vísað úr landi Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Refsing fyrir að reyna að myrða lækni þyngd Innlent Miklar breytingar á gjaldskrá leikskóla borgarinnar Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent Fleiri fréttir „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent