Martin rólegur í öruggum sigri Charleville-Mezieres

Martin Hermannsson og félagar í Charleville-Mezieres unnu sinn þriðja sigur í röð í frönsku b-deildinni í kvöld og gefa ekkert eftir í toppbaráttunni.

Charleville-Mezieres vann þá sextán stiga sigur á Le Havre á útivelli, 80-60 eftir að hafa verið sjö stigum undir í hálfleik, 33-40.

Charleville-Mezieres hefur nú unnið 7 af 9 leikjum sínum og er í öðru sæti á eftir Fos Ouest Basket sem hefur unnið alla níu leiki sína.

Martin Hermannsson var með 8 stig, 3 fráköst og 2 stoðsendingar í leiknum en hann þær 26 mínútur sem hann spilaði vann Charleville-Meziere liðið með fimmtán stigum.

Martin náði ekki að skora þriggja stiga körfur í kvöld, úr tveimur skotum, og fékk heldur ekki víti sem er óvenjulegt. Hann hitti alls úr 4 af 10 skotum sínum.