Givenchy gefur út línu af barnafötum

Loksins munu hin almennu börn geta klætt sig eins og North West og Blue Ivy Carter þar sem Givenchy ætlar sér að gefa út línu af barnafötum. Línan verður gefin út fyrir haustið 2017. 

Frá upphafi hefur Givenchy aðeins gefið út föt fyrir konur og karla en núna munu þau fylgja í fótspor Stella McCartney, Moschino og Kenzo og hanna föt á börn. Ricardo Tisci, sem er yfirhönnuður Givenchy, verður listrænn stjórnandi línunnar.

Í gegnum tíðina hefur Givenchy sent frægum skjólstæðingum föt fyrir börnin þeirra en þá hafa fötin verið sérstaklega gerð fyrir þann tilgang. Nú mun almenningur geta klætt börnin sín í Givenchy en verðmiðinn verður eflaust afar hár. 

OMG Baby Bambi custom shirt for North!!! Thank you Riccardo! #Givenchy

A photo posted by Kim Kardashian West (@kimkardashian) on Oct 1, 2013 at 4:41am PDT