Trump mun nota fyrsta daginn í að snúa við ákvörðunum Obama

Verðandi forseti Bandaríkjanna, Donald Trump hyggst nýta fyrsta dag sinn í embætti í að snúa við ákvörðunum sem Barack Obama núverandi forseti hefur tekið í valdatíð sinni. Sean Spicer, sem verður blaðamannafulltrúi ríkisstjórnar Trumps upplýsir um þetta.

Segir Spicer að Trump muni snúa við mikið af reglugerðum og ákvörðunum sem teknar hafa verið af ríkisstjórn Obama síðastliðin átta ár. Spicer tók þó ekki fram nákvæmlega hvaða stefnumál það verða.

Þó er hægt að geta sér til um það, en ljóst er að Trump hefur verið afar gagnrýninn á stefnu ríkisstjórnar Obama í málefnum innflytjenda, orkumálum og utanríkismálum.