Umboðsmaður Alþingis telur ekki tilefni til að rannasaka hvort Bjarni Benediktsson hafi brotið siðareglur ráðherra með því að birta ekki upplýsingar um skýrslu nefndar um aflandsfélög fyrr en eftir áramót. Skýrslan var tilbúin fyrir kosningar.
Ástæðan er sú að ráðherrann hefur lýst því yfir í fjölmiðlum að hann hafi talið það vera mistök af sinni hálfu að birta ekki skýrsluna fyrr. Þetta kemur fram í bréfi sem umboðsmaður Alþingis sendi þingmanninum Svandísi Svavarsdóttur, sem hafði óskað eftir rannsókn á málinu.
Umboðsmaður er hins vegar að fjalla með almennum hætti um skyldu stjórnvalda til að veita aðgang að upplýsingum. Er þar um að ræða frumkvæðisathugun umboðsmanns.
Fréttin birtist fyrst í Fréttablaðinu.
Umbi bregst ekki við beiðni
Tengdar fréttir
Skattaskjólsskýrslan: Svandís spyr umboðsmann hvort Bjarni hafi brotið siðareglur
Þingmaður Vinstri grænna vill að umboðsmaður Alþingis kanni hvort fjármálaráðherra hafi brotið siðareglur ráðherra.
Bjarni: Kannski mistök að leggja ekki skattaskjólsskýrslu fram fyrr
Bjarni Benediktsson, forsætisráðherra, segir að hann hafi kannski gert mistök með því að leggja ekki skýrslu um eignir Íslendinga í skattaskjólum fram fyrr en skýrslan var birt síðastliðinn föstudag. Bjarni sjálfur fékk kynningu á henni þann 5. október en þingi var slitið þann 13. október.
