Sjáðu ævintýralega flautukörfu Björgvins | Myndband

Leikmenn Tindastóls vilja eflaust gleyma leiknum gegn Njarðvík í Ljónagryfjunni í kvöld sem fyrst, enda töpuðu þeir honum 92-86.

Björgvin Hafþór Ríkharðsson átti þó tilþrif leiksins þegar hann skoraði ótrúlega flautukörfu undir lok 3. leikhluta.

Þegar um fimm sekúndur voru eftir af leikhlutanum fór Njarðvíkingurinn Logi Gunnarsson upp í þriggja stiga skot.

Það geigaði, Björgvin tók frákastið og gerði sér svo lítið fyrir og skoraði yfir endilangan völlinn og kom Tindastóli í 66-72.

Þessa mögnuðu flautukörfu má sjá í spilaranum hér að ofan.