Stefnt að hlutafjárútboði Arion banka í kringum páska Hörður Ægisson skrifar 26. janúar 2017 07:00 Stefnt er að því að almennt hlutafjárútboð Arion banka, þar sem Kaupþing hyggst bjóða til sölu eignarhlut sinn í bankanum, verði haldið öðru hvoru megin við páskahelgina um miðjan aprílmánuð næstkomandi, samkvæmt heimildum Fréttablaðsins. Á þessari stundu liggur ekki fyrir hversu stóran hlut Kaupþing áformar að selja í útboðinu en félagið á í dag 87 prósent alls hlutafjár í Arion banka. Væntingar eru um að erlendir fjárfestar muni kaupa megnið af þeim bréfum sem boðin verða til sölu en í kjölfar útboðsins verður bankinn skráður á markað í Kauphöll Íslands og í Kauphöllinni í Svíþjóð. Kaupþing vildi ekkert tjá sig um málið þegar eftir því var leitað. Erlendir fjárfestingasjóðir, sem eiga það sammerkt að hafa sýnt Arion banka áhuga, hafa á síðustu vikum og mánuðum átt fundi hér á landi með yfirstjórnendum Fjármálaeftirlitsins (FME) í tengslum við möguleg kaup þeirra á hlut í bankanum, samkvæmt öruggum heimildum Fréttablaðsins. Slíkur fundur fór síðast fram 12. janúar síðastliðinn. Heimildarmenn blaðsins, sem hafa vitneskju um þá fundi sem stjórnendur FME hafa samþykkt að eiga með nokkrum fjárfestingasjóðum, lýsa þeim sem upplýsingafundum.Eignarhald og hæfi Fyrir forsvarsmenn sjóðanna, en bæði er um að ræða vogunarsjóði og eins hefðbundnari fjárfestingasjóði, hefur markmiðið með slíkum fundum meðal annars verið að fá upplýsingar um vinnu FME við innleiðingu á nýju regluverki um starfsemi fjármálastofnana – það sem er nefnt Basel III – á grundvelli tilskipana og reglugerða ESB. Þá hefur Fjármálaeftirlitið á hinn bóginn leitast eftir því á fundunum að fá upplýsingar um eignarhald viðkomandi sjóða og önnur atriði sem kunna að varða mögulegt hæfi þeirra til að fara með virkan eignarhlut í fjármálafyrirtæki. Fréttablaðið hefur ekki fengið upplýsingar um nöfn þeirra sjóða sem hafa fundað með FME að undanförnu en í þeim hópi eru meðal annars bandarískir fjárfestingasjóðir sem eru stórir hluthafar í Kaupþingi. Í viðtali sem birtist í Viðskiptablaðinu í liðinni viku sagði Unnur Gunnarsdóttir, forstjóri FME, að „æskilegast væri að fá virta langtímafjárfesta“ að bönkunum. Hún benti hins vegar á að þess konar erlendir fjárfestar væru í hinum vestræna heimi ekki að kaupa í bönkum – heldur þvert á móti að losa sig úr slíkum fjárfestingum. „Einu aðilarnir sem virðast hafa áhuga á því að kaupa banka eru sjóðir, t.d. vogunarsjóðir, sem leggja mikið á sig til að leyna því hverjir þeir eru í raun og veru.“Útboð og hornsteinsfjárfestar Greint var frá því í Markaðnum, fylgiriti Fréttablaðsins um viðskipti og efnahagsmál, fyrr í þessum mánuði að nánast útilokað væri að hópur íslenskra lífeyrissjóða myndi kaupa tuga prósenta eignarhlut í Arion banka í gegnum lokað útboð. Viðræður milli Kaupþings og fulltrúa sjóðanna, sem höfðu staðið yfir frá því á haustmánuðum, runnu út í sandinn í byrjun desember. Verðhugmyndir lífeyrissjóðanna voru með þeim hætti – þær gerðu ráð fyrir kaupverði sem væri nokkuð undir genginu 0,8 miðað við bókfært eigið fé Arion banka – að afar ólíklegt þótti að samkomulag gæti náðst um sölu á hlut í bankanum til sjóðanna. Þeir drógu sig því út úr viðræðunum. Kaupþing vonast hins vegar til að lífeyrissjóðirnir taki þátt í fyrirhuguðu hlutafjárútboði Arion banka. Þar er horft til þess að lífeyrissjóðunum verði boðið, ásamt ýmsum erlendum fjárfestingasjóðum, að vera í hópi hornsteinsfjárfesta í útboðinu. Þá myndu þeir skuldbinda sig til að kaupa tiltekinn eignarhlut á sama verði og aðrir þátttakendur, en semja ekki um sérstakt verð líkt og kjölfestufjárfestar að undangengnu forvali í lokuðu útboði. Sá sem hefur leitt vinnu Kaupþings í tengslum við söluferlið er Benedikt Gíslason, sem situr í stjórn félagsins, og þá hefur hæstaréttarlögmaðurinn Óttar Pálsson nýlega bæst við í þann hóp. Óttar situr í stjórn Kaupþings og er á meðal eiganda að lögmannsstofunni LOGOS sem kemur að verkefninu sem lögfræðilegur ráðgjafi. Sá sem fer einkum fyrir þeirri vinnu hjá LOGOS er Þórólfur Jónsson, eigandi og stjórnarformaður lögmannsstofunnar. Þeir bankar sem hafa verið ráðnir umsjónaraðilar með útboðinu eru Morgan Stanley, Citi og sænski fjárfestingabankinn Carnegie. Þá mun Deutsche Bank vera í hlutverki söluráðgjafa auk þess sem gengið verður innan skamms frá samkomulagi við tvö eða fleiri íslensk fjármálafyrirtæki. hordur@frettabladid.is Birtist í Fréttablaðinu Mest lesið Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Nú er ekki hægt að afskrá flugvélar nema að greiða gjöldin Viðskipti innlent Telur um dulda launahækkun skrifstofufólks að ræða Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent Davíð Ernir til liðs við Athygli Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Fleiri fréttir Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sjá meira
Stefnt er að því að almennt hlutafjárútboð Arion banka, þar sem Kaupþing hyggst bjóða til sölu eignarhlut sinn í bankanum, verði haldið öðru hvoru megin við páskahelgina um miðjan aprílmánuð næstkomandi, samkvæmt heimildum Fréttablaðsins. Á þessari stundu liggur ekki fyrir hversu stóran hlut Kaupþing áformar að selja í útboðinu en félagið á í dag 87 prósent alls hlutafjár í Arion banka. Væntingar eru um að erlendir fjárfestar muni kaupa megnið af þeim bréfum sem boðin verða til sölu en í kjölfar útboðsins verður bankinn skráður á markað í Kauphöll Íslands og í Kauphöllinni í Svíþjóð. Kaupþing vildi ekkert tjá sig um málið þegar eftir því var leitað. Erlendir fjárfestingasjóðir, sem eiga það sammerkt að hafa sýnt Arion banka áhuga, hafa á síðustu vikum og mánuðum átt fundi hér á landi með yfirstjórnendum Fjármálaeftirlitsins (FME) í tengslum við möguleg kaup þeirra á hlut í bankanum, samkvæmt öruggum heimildum Fréttablaðsins. Slíkur fundur fór síðast fram 12. janúar síðastliðinn. Heimildarmenn blaðsins, sem hafa vitneskju um þá fundi sem stjórnendur FME hafa samþykkt að eiga með nokkrum fjárfestingasjóðum, lýsa þeim sem upplýsingafundum.Eignarhald og hæfi Fyrir forsvarsmenn sjóðanna, en bæði er um að ræða vogunarsjóði og eins hefðbundnari fjárfestingasjóði, hefur markmiðið með slíkum fundum meðal annars verið að fá upplýsingar um vinnu FME við innleiðingu á nýju regluverki um starfsemi fjármálastofnana – það sem er nefnt Basel III – á grundvelli tilskipana og reglugerða ESB. Þá hefur Fjármálaeftirlitið á hinn bóginn leitast eftir því á fundunum að fá upplýsingar um eignarhald viðkomandi sjóða og önnur atriði sem kunna að varða mögulegt hæfi þeirra til að fara með virkan eignarhlut í fjármálafyrirtæki. Fréttablaðið hefur ekki fengið upplýsingar um nöfn þeirra sjóða sem hafa fundað með FME að undanförnu en í þeim hópi eru meðal annars bandarískir fjárfestingasjóðir sem eru stórir hluthafar í Kaupþingi. Í viðtali sem birtist í Viðskiptablaðinu í liðinni viku sagði Unnur Gunnarsdóttir, forstjóri FME, að „æskilegast væri að fá virta langtímafjárfesta“ að bönkunum. Hún benti hins vegar á að þess konar erlendir fjárfestar væru í hinum vestræna heimi ekki að kaupa í bönkum – heldur þvert á móti að losa sig úr slíkum fjárfestingum. „Einu aðilarnir sem virðast hafa áhuga á því að kaupa banka eru sjóðir, t.d. vogunarsjóðir, sem leggja mikið á sig til að leyna því hverjir þeir eru í raun og veru.“Útboð og hornsteinsfjárfestar Greint var frá því í Markaðnum, fylgiriti Fréttablaðsins um viðskipti og efnahagsmál, fyrr í þessum mánuði að nánast útilokað væri að hópur íslenskra lífeyrissjóða myndi kaupa tuga prósenta eignarhlut í Arion banka í gegnum lokað útboð. Viðræður milli Kaupþings og fulltrúa sjóðanna, sem höfðu staðið yfir frá því á haustmánuðum, runnu út í sandinn í byrjun desember. Verðhugmyndir lífeyrissjóðanna voru með þeim hætti – þær gerðu ráð fyrir kaupverði sem væri nokkuð undir genginu 0,8 miðað við bókfært eigið fé Arion banka – að afar ólíklegt þótti að samkomulag gæti náðst um sölu á hlut í bankanum til sjóðanna. Þeir drógu sig því út úr viðræðunum. Kaupþing vonast hins vegar til að lífeyrissjóðirnir taki þátt í fyrirhuguðu hlutafjárútboði Arion banka. Þar er horft til þess að lífeyrissjóðunum verði boðið, ásamt ýmsum erlendum fjárfestingasjóðum, að vera í hópi hornsteinsfjárfesta í útboðinu. Þá myndu þeir skuldbinda sig til að kaupa tiltekinn eignarhlut á sama verði og aðrir þátttakendur, en semja ekki um sérstakt verð líkt og kjölfestufjárfestar að undangengnu forvali í lokuðu útboði. Sá sem hefur leitt vinnu Kaupþings í tengslum við söluferlið er Benedikt Gíslason, sem situr í stjórn félagsins, og þá hefur hæstaréttarlögmaðurinn Óttar Pálsson nýlega bæst við í þann hóp. Óttar situr í stjórn Kaupþings og er á meðal eiganda að lögmannsstofunni LOGOS sem kemur að verkefninu sem lögfræðilegur ráðgjafi. Sá sem fer einkum fyrir þeirri vinnu hjá LOGOS er Þórólfur Jónsson, eigandi og stjórnarformaður lögmannsstofunnar. Þeir bankar sem hafa verið ráðnir umsjónaraðilar með útboðinu eru Morgan Stanley, Citi og sænski fjárfestingabankinn Carnegie. Þá mun Deutsche Bank vera í hlutverki söluráðgjafa auk þess sem gengið verður innan skamms frá samkomulagi við tvö eða fleiri íslensk fjármálafyrirtæki. hordur@frettabladid.is
Birtist í Fréttablaðinu Mest lesið Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Nú er ekki hægt að afskrá flugvélar nema að greiða gjöldin Viðskipti innlent Telur um dulda launahækkun skrifstofufólks að ræða Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent Davíð Ernir til liðs við Athygli Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Fleiri fréttir Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent