Umferð hefur gengið ágætlega fyrir sig á höfuðborgarsvæðinu í dag þrátt fyrir óveðrið. Í efri byggðum hafa hins vegar komið upp tilvik þar sem ökumenn hafa fest bíla sína. Við Kjalarnes, á Vesturlandsvegi, Suðurlandsvegi og Reykjanesbraut er hins vegar stórhríð og ekkert ferðaveður.
Árni Friðleifsson, hjá umferðardeild lögreglunnar á höfuðborgarsvæðinu, segir tugi ökumanna hafa fest bíla sína í ófærð í efri byggðum höfuðborgarsvæðisins.
„En það hafa ekki verið nein stór vandamál. Menn hafa aðstoðað hvorn annan og lögreglumenn í efri byggðum hafa aðstoðað fólk að losa bíla,“ segir Árni.
Hann segir ekki mikið um árekstra miðað við veður, og hafa engin alvarleg slys orðið.
„Þessu veðri var spáð og a færð gæti spillst. Það hefur gengið eftir nánast að öllu leyti fyrir utan það að veðrið skall á fyrr en búist var við,“ segir Árni.
Búist er við að veðrið nái hámarki klukkan eitt í dag en gangi ekki niður fyrr en á milli 16 og 18.
Tugir hafa fest bíla sína í efri byggðum höfuðborgarsvæðisins
Tengdar fréttir
Tvö hundruð manns í fjöldahjálparstöðinni í Klébergsskóla
Unnið að því að útvega fólkinu mat.
Fólk hvatt til að sækja börn í lok skóladags
Fólk er hvatt til að fara ekki af stað sé það ekki vel búið.
Fylgstu með óveðrinu á gagnvirkum kortum
Í dag verður vonskuveður á landinu.
Villi Goði ætlar út á jeppanum sínum að bjarga
Ef einhver er fastur getur hann hringt í Villa sem kemur og bjargar málunum.
Óvissustigi lýst yfir vegna snjóflóðahættu á Suðurlandi
Einkum er fylgst með aðstæðum á Kirkjubæjarklaustri þar sem óvenju mikið hefur snjóað í hlíðina ofan þorpsins.
