Jennifer Lopez slær sér upp með hafnaboltastjörnu

Það virðist sem að samband söngkonunnar Jennifer Lopez og rapparans Drake hafi lifað stutt þar sem nú er talið að hún sé byrjuð með hafnaboltastjörnunni Alex Rodriguez. 

Þau voru saman í fríi á Bahamas fyrr í vikunni. Í gær sáust þau svo mæta saman í ræktina í Miami. Alex, sem oftast er kallaður A-Rod af fjölmiðlum vestanhafs, hefur í gegnum tíðinna verið í sambandi með stjörnum á borð við Madonna, Cameron Diaz og Demi Moore. 

Parið hefur þekkst lengi og eiga börn á svipuðum aldri. Samkvæmt heimildum People hafa þau verið að hittast í marga mánuði.