Haukakonur unnu Skallagrím í Borgarnesi | Úrslitin í kvennakörfunni í kvöld

Snæfell steig eitt skref nær deildarmeistaratitlinum og Skallagrímur missti endanlega af möguleikanum á öðru sætinu í Domino´s deild kvenna í körfubolta í kvöld þegar 26. umferðin fór fram.

Stjörnukonur voru nálægt því að stela sigri í Stykkishólmi í lokin en úrslit í öðrum leikjum í kvöld sáu til þess að Stjörnuliðið er öruggt í úrslitakeppnina. Grindavík er jafnframt endanlega fallið úr deildinni.

Óvæntustu úrslit kvöldsins voru í Borgarnesi þar sem Haukar unnu 63-62 sigur á heimastúlkum í Skallagrímu í miklum spennuleik. Haukaliðið var 17-7 undir eftir fyrsta leikhlutann en vann sig aftur inn í leikinn og tryggði sér eins stigs sigur með því að vinna þrjá síðustu leikhlutana.

Dýrfinna Arnardóttir tryggði Haukum sigur með þriggja stiga körfu rétt fyrir leikslok en hún skoraði 16 stig fyrir Hauka í kvöld. Nashika Wiliams var með 20 stig og 11 fráköst og þá var Þóra Kristín Jónsdóttir með 13 stig og 9 stoðsendingar..

Sigrún Sjöfn Ámundadóttir átti stórleik í liði Skallagríms með 24 stig, 15 fráköst og 6 stoðsendingar en það dugði ekki til.

Snæfell vann þriggja stiga sigur á Stjörnunni, 79-76, en það er mjög líklegt að þessi lið mætist í undanúrslitum úrslitakeppninnar. Stjörnukonur eru öruggar í úrslitakeppnina eftir úrslit kvöldsins en Snæfellskonur þurfa einn sigur í viðbót til að tryggja sér deildarmeistaratitilinn.

Snæfellsliðið var með öruggt forskot stærsta hluta leiksins en Stjörnukonur voru nánast búnar að stela sigrinum á lokamínútunum.

Keflavík sótti tvö stig til Njarðvíkur en Njarðvíkurliðið lék án Carmen Tyson-Thomas sem var rekinn í síðustu viku þrátt fyrir að vera að skora 37 stig að meðaltali í leik fyrir liðið. Án Tyson-Thomas var Njarðvík engin mótstaða fyrir bikarmeistara Keflavíkur.

Úrslitin réðust líka á hinum enda vallarins. Valskonur keyrðu yfir Grindavík í seinni hálfleiknum en eftir tapið í kvöld er ljóst að Grindavíkurliðið er fallið í 1. deild.



Úrslit og stigaskorarar í kvöld:

Valur-Grindavík 83-68 (18-24, 21-22, 23-14, 21-8)

Valur: Mia Loyd 34/15 fráköst/5 stoðsendingar, Hallveig Jónsdóttir 14/5 fráköst, Dagbjört Dögg Karlsdóttir 12, Elín Sóley Hrafnkelsdóttir 9/10 fráköst, Elfa Falsdottir 8, Dagbjört Samúelsdóttir 4, Nína Jenný Kristjánsdóttir 2.

Grindavík: Angela Marie Rodriguez 18/6 fráköst, Íris Sverrisdóttir 17/6 fráköst, Petrúnella Skúladóttir 10, María Ben Erlingsdóttir 10/4 fráköst/5 stoðsendingar, Ingunn Embla Kristínardóttir 6/4 fráköst, Ólöf Rún Óladóttir 3, Angela Björg Steingrímsdóttir 2, Hrund Skúladóttir 2/4 fráköst.

 

Njarðvík-Keflavík 49-73 (12-25, 8-12, 12-16, 17-20)

Njarðvík: María Jónsdóttir 17/6 fráköst, Erna Freydís Traustadóttir 8, Björk Gunnarsdótir 6/6 fráköst/6 stoðsendingar, Karen Dögg Vilhjálmsdóttir 6/4 fráköst, Elísabet Sigríður Guðnadóttir 5, Hulda Bergsteinsdóttir 2, Soffía Rún Skúladóttir 2, Linda Þórdís Barðdal Róbertsdóttir 2/6 fráköst, Svala Sigurðadóttir 1.

Keflavík: Ariana Moorer 13/9 fráköst, Thelma Dís Ágústsdóttir 11/6 fráköst, Emelía Ósk Gunnarsdóttir 9/5 fráköst, Þóranna Kika Hodge-Carr 8/8 fráköst, Birna Valgerður Benónýsdóttir 8/4 fráköst, Svanhvít Ósk Snorradóttir 7, Salbjörg Ragna Sævarsdóttir 6, Erna Hákonardóttir 5, Kamilla Sól Viktorsdóttir 2, Tinna Björg Gunnarsdóttir 2, Katla Rún Garðarsdóttir 2.



Snæfell-Stjarnan 79-76 (24-13, 26-18, 13-18, 16-27)

Snæfell: Aaryn Ellenberg 22/10 fráköst/7 stoðsendingar, Gunnhildur Gunnarsdóttir 17, Bryndís Guðmundsdóttir 12/8 fráköst, Berglind Gunnarsdóttir 9/9 fráköst, Andrea Björt Ólafsdóttir 8, Sara Diljá Sigurðardóttir 5, María Björnsdóttir 4/4 fráköst, Rebekka Rán Karlsdóttir 2.

Stjarnan: Ragna Margrét Brynjarsdóttir 25/9 fráköst, Danielle Victoria Rodriguez 17/4 fráköst/5 stoðsendingar, Jenný Harðardóttir 10, Bríet Sif Hinriksdóttir 9, Hafrún Hálfdánardóttir 6/4 fráköst, María Lind Sigurðardóttir 4/5 fráköst, Jónína Þórdís Karlssdóttir 3, Shanna Dacanay 2.

 

Skallagrímur-Haukar 62-63 (17-7, 10-15, 19-21, 16-20)

Skallagrímur: Sigrún Sjöfn  Ámundadóttir 24/15 fráköst/6 stoðsendingar/6 stolnir, Jóhanna Björk Sveinsdóttir 14/7 fráköst, Fanney Lind Thomas 9/5 fráköst, Gunnhildur Lind Hansdóttir 7/4 fráköst, Ragnheiður Benónísdóttir 4/6 fráköst, Guðrún Ósk Ámundadóttir 4/5 fráköst/5 stoðsendingar.

Haukar: Nashika Wiliams 20/11 fráköst, Dýrfinna Arnardóttir 16, Þóra Kristín Jónsdóttir 13/4 fráköst/9 stoðsendingar, Anna Lóa Óskarsdóttir 10/7 fráköst, Sólrún Inga Gísladóttir 2, Ragnheiður Björk Einarsdóttir 2/6 fráköst.