Svona býrðu til Covfefe

Óhætt er að segja að Donald Trump Bandaríkjaforseti hafi séð til að merkingarleysan „covfefe“ sé orð vikunnar í netneimum eftir að hann birti að því er virtist hálfklárað tíst á Twitter-reikningi sínum.

Tístið hefur vakið gríðarlega athygli alla vikuna en Trump fjarlægði það.

Tístið hálfkláraða byrjar á orðunum „Despite the constant negative press covfefe“, og þykir líklegt að orðið „covfefe“ hafi átt að vera „coverage“.

Mætti þýða setninguna sem eða „Þrátt fyrir látlausa neikvæða umfjöllun fjölmiðla“, en þó er ljóst að síðari hluta hugsunar Trump vantar enn.

Facebook-síðan Smosh hefur nú birt myndband þar sem farið er ítarlega yfir það hvernig maður býr til Covfefe og er sjón sögu ríkari. Ekkert sérstaklega girnilegt og má fastlega gera ráð fyrir því að um grín sé að ræða.