Gísli J. Friðjónsson skattakóngur ársins 2016

Gísli J. Friðjónsson, Kópavogi, fyrrum eigandi Hópbíla og Hagvagna, er skattakóngur ársins 2016, en hann greiddi alls 570.452.598 króna í opinber gjöld á liðnu ári. Gísli seldi fyrirtækin í fyrra að því er greint var frá í Morgunblaðinu síðastliðið haust.

Einar Friðrik Sigurðsson, skipstjóri og útgerðarmaður, Ölfusi, greiddi síðan næstmest í opinber gjöld eða sem nemur 383.896.974 króna. Þá er Katrín Þorvaldsdóttir, í Síld og Fisk, Reykjavík, í þriðja sæti yfir þá sem greiddu mest og er því skattadrottning landsins en hún greiddi 362.695.100 krónur í opinber gjöld.

Guðmundur Kristjánsson, Seltjarnarnesi, eigandi útgerðarfyrirtækisins Brim, er í fjórða sæti yfir þá sem greiða hæstu opinberu gjöldin, það er 231.625.690 króna. Í fimmta sæti á listanum er Ármann Einarsson, Ölfusi, en hann greiddi 159.112.908 króna í opinber gjöld.

Langflestir skiluðu skattframtalinu á netinu

Að því er segir í tilkynningu Ríkisskattstjóra hafa framteljendur á skattagrunnskrá aldrei verið fleiri en nú og eru 286.728. Það eru 9.122 fleiri en fyrir ári og nemur fjölgunin 3,3 prósentum.

„Framteljendum á grunnskrá hefur ekki fjölgað jafnmikið á einu ári síðan árið 2007 en þá fjölgaði um 10.855. Við álagningu nú voru skattstofnar 13.125 einstaklinga áætlaðir en það er um 4,58% af heildarfjölda. Nokkur hluti skýrist af framtölum sem ríkisskattstjóri útbýr fyrir framteljendur vegna sérstakra aðstæðna en slík framtöl hafa sömu réttaráhrif og þegar skattstofnar eru áætlaðir,“ segir í tilkynningunni.

Þá kemur jafnframt fram að langflestir, eða 99,6 prósent framteljenda, skiluðu rafrænu skattframtali.

Þeir sem greiddu hæstu opinberu gjöldin í fyrra eru eftirfarandi:

Gísli J Friðjónsson, Kópavogi, 570.452.598

Einar Friðrik Sigurðsson, Ölfusi, 383.896.974

Katrín Þorvaldsdóttir, Reykjavík, 362.695.100

Guðmundur Kristjánsson, Seltjarnarnesi, 231.625.960

Ármann Einarsson, Ölfusi, 159.112.908

Marta Árnadóttir, Reykjavík, 149.020.216

Grímur Alfreð Garðarsson, Reykjavík, 148.923.231

Kristján V Vilhelmsson, Akureyri, 143.377.822

Guðrún Birna Leifsdóttir, Vestmannaeyjum, 139.515.059

Valur Ragnarsson, Reykjavík, 135.389.186

Brynjólfur Gunnar Halldórsson, Seltjarnarnesi, 127.831.300

Ársæll Hafsteinsson, Flóahreppi, 126.891.787

Kristinn Már Gunnarsson, Reykjavík, 120.233.253

Jón Sigurðsson, Garðabæ, 116.740.909

Ari Fenger, Garðabæ, 115.030.402

Benedikt Rúnar Steingrímsson, Dalabyggð, 112.971.635

Magnús Jóhannsson, Hafnarfirði, 110.108.149

Vilhelm Róbert Wessman, Reykjavík, 107.513.728

Kristín Fenger Vermundsdóttir, Reykjavík, 107.373.232

Árni Pétur Jónsson, Reykjavík, 99.246.014

Fréttin hefur verið uppfærð.