Liverpool fór létt með Bayern í München

Liverpool gerði sér lítið fyrir og vann 3-0 sigur á Bayern München á Allianz Arena í Þýskalandi í Audi-bikarnum í kvöld.

Sadio Mane, Mohamed Salah og Daniel Sturridge skoruðu mörk Liverpol í kvöld sem leiddi 2-0 að loknum fyrri hálfleik.

Marko Grujic náði líka að koma knettinum í net Þjóðverjanna en markið var ekki dæmt gilt þar sem að Adam Lallana var rangstæður.

Undirbúningstímabilið hjá Bayern hefur ekki gengið vel en liðið tapaði þremur af fjórum leikjum sínum í International Champions Cup. Bayern stillti upp sterku byrjunarliði í kvöld en það var ekki nóg gegn Liverpool.

Liverpool mætir Atletico Madrid í úrslitaleik Audi-bikarsins á morgun en spænska liðið hafði betur gegn Napoli fyrr í dag, 2-1.