Sér eftir því að hafa ekki tekið harðar á Trump

Hillary Clinton, fyrrum forsetaframbjóðandi, segist „kannski“ hafa farið á mis við nokkur tækifæri til að bæði bregðast við fyrirætlunum Trumps og tengjast betur kjósendum. Hún sjái eftir því að hafa ekki tekið harðar á Trump.

Þetta segir Clinton um forsetakjörið í Bandaríkjunum í fyrsta viðtalinu sem hún veitir í markaðsherferð fyrir nýju bókina sína Hvað fór úrskeiðis? Í henni fer Clinton ofan í saumana á kosningabaráttunni. Hin sjálfsævisögulega bók kemur út á þriðjudag.

Clinton segist bera fulla ábyrgð á misheppnaðri kosningabaráttu en segir þó að Joe Biden, fyrrum varaforseti Bandaríkjanna, og Bernie Sanders, mótframbjóðandi hennar innan Demókrataflokksins, hafi skaðað framboð hennar með varanlegum hætti.

„Ég atti ekki aðeins kappi við Donald Trump. Ég þurfti að eigast við rússnesku leyniþjónustuna, afvegaleiddan forstjóra alríkislögreglunnar og hið guðs volaða kjörmannaráð,“ segir Clinton.