Icelandic Group selur dótturfélag á 12 milljarða

Icelandic Group hefur undirritað samning um sölu á Seachill, dótturfélagi sínu í Bretlandi. Kaupandi er breska matvælafyrirtækið Hilton Food Group. Heildarvirði Seachill í viðskiptunum nemur um 12 milljörðum króna (GBP 84 milljónir). Ráðgert er að félagið verði afhent nýjum eiganda þann 7. nóvember 2017. Seachill er umfangsmikill framleiðandi á kældum og frosnum sjávarafurðum sem og tilbúnum sjávarréttum til stórra smásölukeðja í Bretlandi.  

Fram kemur í tilkynningu frá Íslandsbanka, sem ásamt Oghma Partners hafði umsjón með söluferlinu, að söluferlið á Seachill hafi verið auglýst í apríl síðastliðnum.

„Mikill áhugi var á félaginu þar sem fjölmargir alþjóðlegir aðilar tóku þátt í ferlinu og lýstu yfir vilja til kaupanna. Niðurstaða ferlisins var að ganga til samninga við Hilton,“ segir í tilkynningunni og haft eftir Herdísi Dröfn Fjeldsted, stjórnarformanni Icelandic Group, að salan marki þáttaskil.

„Með sölunni á Seachill er stórum áfanga náð í þeirri vegferð sem hófst árið 2015 þegar stefnan var tekin að selja Icelandic Group í einingum frekar en í heilu lagi. Samstarf og samlegðaráhrif milli félaga samstæðunnar var nánast engin. Með þessari ákvörðun tókst að auka virði seldra eininga umtalsvert og nemur söluandvirðið alls um 20 milljörðum króna. Þessir fjármunir skila sér beint til eigenda okkar sem eru að meirihluta íslenskir lífeyrissjóðir sem er ánægjulegt“, segir Herdís sem jafnframt er framkvæmdastjóri Framtakssjóðs Íslands.

Sjóðurinn hefur greitt alls um 75 milljarða króna til hluthafa samanborið við innborgað hlutafé upp á 43 milljarða króna. Eftirstandandi fjárfestingar sjóðsins, þar með taldar peningalegar eignir, eru metnar á 15 milljarða króna. Fullyrt er í tilkynningunni að sávöxtun sjóðsins reiknuð til dagsins í dag nemi um 23 prósentum á ári.

Mesta hækkun dagsins

---

Félag

Br.%

Fj.

Velta*

Verð*

ISB

1,42

47

894.035

128,6

ICEAIR

1,21

74

144.572

1,93

SKEL

1,19

5

2.120

17,0

REGINN

1,08

7

62.474

37,4

REITIR

1,05

5

26.576

96,5