350 fermetra einbýlishús í suður-evrópskum stíl við Laufásveg

Fasteignasalan Stakfell er með 350 fermetra einbýlishús við Laufásveg 22 í Reykjavík á söluskrá en kaupverðið er 107,5 milljónir.

Fasteignamatið er 97,9 milljónir en brunabótamatið er tæplega 56 milljónir. Um er að ræða hús á tveimur hæðum og ris auk sér íbúðar í kjallara, með bílskúr og sér bílastæði.

Eignin er vel staðsett með frábæru útsýni til suðurs yfir Reykjavíkurtjörn. Húsið er timburhús, byggt árið 1915, í suður-evrópskum stíl.

Alls eru tíu herbergi í eigninni og þar af sjö svefnherbergi og þrjú baðherbergi. Tvennar svalir eru í eigninni og fallegur garður.

Búið er að taka húsið í gegn með reglulegu milli bili eins og lesa má um í fasteignaauglýsingunni. Hér að neðan má sjá myndir af þessari flottu eign.