Ráðherrakapallinn hefur verið lagður Aðalheiður Ámundadóttir skrifar 21. nóvember 2017 06:00 Fundað var frá morgni til kvölds í ráðherrabústaðnum. Formennirnir virtust vonglaðir í dagrenningu. vísir/ernir Fundað var um stjórnarmyndun í ráðherrabústaðnum í gær. Þingflokkar koma nú að vinnunni í meiri mæli en áður og leitað hefur verið eftir athugasemdum og sjónarmiðum frá þingmönnum flokkanna. Búast má við að vinna við að fínpússa málefnasamning taki einhverja daga í viðbót og þá tekur verkaskipting milli flokkanna við og að lokum þarf hver og einn formaður að gera tillögu um ráðherraefni flokkanna. Ýmsar hefðir og venjur hafa myndast um verkaskiptingu flokka en þær taka þó breytingum eftir því hvað efst er á baugi hverju sinni. Fyrir bankahrunið fékk sá flokkur, sem ekki skipaði forsætisráðuneytið, utanríkismálin í sinn hlut, en á undanförnum árum hafa fjármálin ekki þótt síður mikilvæg. Flokkar horfa einnig gjarnan til þess hvort og hve mikið er á döfinni á ólíkum málefnasviðum ráðuneytanna. Heilbrigðisráðuneytið þykir til dæmis ekki fýsilegt nema setja eigi aukið fé í heilbrigðismálin. Samgöngumálin sömuleiðis. Flokkarnir hafa einnig svipuð sjónarmið þegar kemur að vali á ráðherraefnum. Tekið er mið af gengi ráðherraefna í kosningum og prófkjörum, þing- og ráðherrareynslu. Þá er einnig horft til þess af hvaða kyni ráðherraefni eru og úr hvaða kjördæmi. Ekki þykir til dæmis boðlegt að öll ráðherraefni flokks komi af suðvesturhorninu. Auk forsætisráðuneytisins fyrir Katrínu Jakobsdóttur eru Vinstri græn sögð leggja áherslu á að fá heilbrigðismálin. Katrín og Svandís eru báðar óumdeild ráðherraefni fyrir VG. Þær eru báðar úr Reykjavíkurkjördæmum og því má ætla að þriðja ráðherraefni flokksins komi af landsbyggðinni. Steingrímur J. Sigfússon mun vera óumdeildur sem forseti Alþingis og verður því ekki ráðherra fái Vinstri græn embætti þingforsetans. Ekki er ólíklegt að Lilja Rafney Magnúsdóttir verði ráðherra og fái umhverfisráðuneytið. Sjálfstæðismenn leggja áherslu á að fá fjármálin og utanríkismálin og myndu Bjarni Benediktsson og Guðlaugur Þór Þórðarson fara í þau ráðuneyti. Þá má einnig ætla að Sjálfstæðismenn leggi áherslu á að fá dómsmálin að venju. Samkvæmt heimildum blaðsins er ólíklegt að Sigríður Andersen verði tekin úr ríkisstjórn, þrátt fyrir einhvern þrýsting þar að lútandi úr öðrum flokkum. Í baklandi Sjálfstæðisflokksins gera menn ráð fyrir að hún verði áfram í dómsmálaráðuneytinu og að Þórdís Kolbrún Reykfjörð Gylfadóttir verði áfram í sínu ráðuneyti. Öll þessi ráðherraefni eru fyrstu þingmenn sinna kjördæma að Þórdísi Kolbrúnu undanskilinni, sem var önnur á lista flokksins í Norðvesturkjördæmi á eftir Haraldi Benediktssyni. Enn hefur enginn verið nefndur úr Suðurkjördæmi eða Norðausturkjördæmi. Því má ætla að Kristján Þór Júlíusson og Páll Magnússon muni þurfa að takast á um síðasta ráðherrastól flokksins og Jón Gunnarsson víki úr ríkisstjórn. Lilja Alfreðsdóttir er sögð hafa hug á menntamálunum, fái hún hvorki efnahagsmál né utanríkismál. Þá herma heimildir Fréttablaðsins að Sigurður Ingi Jóhannsson sé reiðubúinn að taka að sér sjó og land. Þriðji ráðherra flokksins verður væntanlega annaðhvort að norðan eða vestan. Þórunn Egilsdóttir er þó talin líklegri en Ásmundur Einar Daðason. Gert er ráð fyrir að málefnasamningur verði borinn undir þingflokka ásamt verkaskiptingu flokkanna og tillögu formanns um ráðherraefni hvers flokks síðar í vikunni. Samþykki allir þingflokkar stjórnarsáttmála yrði strax í kjölfar þeirra boðað til funda í viðeigandi stofnunum flokkanna með tveggja daga fyrirvara. Er nú miðað við að fundir þessir geti farið fram um næstu helgi. Verði ríkisstjórnarsamstarf samþykkt í stofnunum allra flokka við það tækifæri, má ætla að nýr forsætisráðherra óski eftir því að þing verði kallað saman 4. eða 5. desember og þá hefði ný ríkisstjórn viku til að setja mark sitt á fjárlög áður en leggja þarf þau fram við upphaf þings. Alþingi Birtist í Fréttablaðinu Mest lesið Gummi Emil feginn að ekki fór verr eftir misheppnaðan sveppatúr Innlent Rússar gerðir afturreka með óvæntar tillögur á allsherjarþingi SÞ Erlent Gekk nakinn í veg fyrir bíla á Suðurlandsvegi Innlent Fimmti hver myndi helst velja að flytja til Danmerkur Innlent Ómetanleg vinátta eftir lífsbjörg Innlent Starfsmenn flýja framboð Robinson eftir „svartur nasisti“-hneykslið Erlent Tilkynnt um helst til ungan ökumann Innlent Verið að fara fram á rannsókn, ekki þöggun Innlent Trump útilokar að bjóða sig fram aftur Erlent Ánægður með frumvarp sjálfstæðismanna Innlent Fleiri fréttir Verið að fara fram á rannsókn, ekki þöggun Synjanir farið úr tíu prósentum upp í tæp sextíu á tveimur árum Gummi Emil feginn að ekki fór verr eftir misheppnaðan sveppatúr Fimmti hver myndi helst velja að flytja til Danmerkur Ómetanleg vinátta eftir lífsbjörg Tilkynnt um helst til ungan ökumann Óásættanlegt að vísa NPA-vandanum alfarið til sveitarfélaga Ánægður með frumvarp sjálfstæðismanna Bjarni fundaði með Guterres Tveggja bíla árekstur á Suðurlandsvegi Kom vini sínum til bjargar á fótboltaæfingu og 34. klukkustund Bakgarðshlaups Gekk nakinn í veg fyrir bíla á Suðurlandsvegi Verður Þórsmörk þjóðgarður? Vill burt með rándýr, úrelt og óþarfa stimpilgjöld Vonar að sveitarfélögin leysi úr NPA-vandanum Alþingismerkið hafi aldrei verið heilagt Fjármögnun NPA-samninga og Bakgarðshlaupið í beinni Samgöngusáttmálinn, Yazan og loftlagsmál á Sprengisandi Slegist með vopnum við skemmtistað Mættu í flugbúningi á sveitaböllin og áttu séns Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Sjá meira
Fundað var um stjórnarmyndun í ráðherrabústaðnum í gær. Þingflokkar koma nú að vinnunni í meiri mæli en áður og leitað hefur verið eftir athugasemdum og sjónarmiðum frá þingmönnum flokkanna. Búast má við að vinna við að fínpússa málefnasamning taki einhverja daga í viðbót og þá tekur verkaskipting milli flokkanna við og að lokum þarf hver og einn formaður að gera tillögu um ráðherraefni flokkanna. Ýmsar hefðir og venjur hafa myndast um verkaskiptingu flokka en þær taka þó breytingum eftir því hvað efst er á baugi hverju sinni. Fyrir bankahrunið fékk sá flokkur, sem ekki skipaði forsætisráðuneytið, utanríkismálin í sinn hlut, en á undanförnum árum hafa fjármálin ekki þótt síður mikilvæg. Flokkar horfa einnig gjarnan til þess hvort og hve mikið er á döfinni á ólíkum málefnasviðum ráðuneytanna. Heilbrigðisráðuneytið þykir til dæmis ekki fýsilegt nema setja eigi aukið fé í heilbrigðismálin. Samgöngumálin sömuleiðis. Flokkarnir hafa einnig svipuð sjónarmið þegar kemur að vali á ráðherraefnum. Tekið er mið af gengi ráðherraefna í kosningum og prófkjörum, þing- og ráðherrareynslu. Þá er einnig horft til þess af hvaða kyni ráðherraefni eru og úr hvaða kjördæmi. Ekki þykir til dæmis boðlegt að öll ráðherraefni flokks komi af suðvesturhorninu. Auk forsætisráðuneytisins fyrir Katrínu Jakobsdóttur eru Vinstri græn sögð leggja áherslu á að fá heilbrigðismálin. Katrín og Svandís eru báðar óumdeild ráðherraefni fyrir VG. Þær eru báðar úr Reykjavíkurkjördæmum og því má ætla að þriðja ráðherraefni flokksins komi af landsbyggðinni. Steingrímur J. Sigfússon mun vera óumdeildur sem forseti Alþingis og verður því ekki ráðherra fái Vinstri græn embætti þingforsetans. Ekki er ólíklegt að Lilja Rafney Magnúsdóttir verði ráðherra og fái umhverfisráðuneytið. Sjálfstæðismenn leggja áherslu á að fá fjármálin og utanríkismálin og myndu Bjarni Benediktsson og Guðlaugur Þór Þórðarson fara í þau ráðuneyti. Þá má einnig ætla að Sjálfstæðismenn leggi áherslu á að fá dómsmálin að venju. Samkvæmt heimildum blaðsins er ólíklegt að Sigríður Andersen verði tekin úr ríkisstjórn, þrátt fyrir einhvern þrýsting þar að lútandi úr öðrum flokkum. Í baklandi Sjálfstæðisflokksins gera menn ráð fyrir að hún verði áfram í dómsmálaráðuneytinu og að Þórdís Kolbrún Reykfjörð Gylfadóttir verði áfram í sínu ráðuneyti. Öll þessi ráðherraefni eru fyrstu þingmenn sinna kjördæma að Þórdísi Kolbrúnu undanskilinni, sem var önnur á lista flokksins í Norðvesturkjördæmi á eftir Haraldi Benediktssyni. Enn hefur enginn verið nefndur úr Suðurkjördæmi eða Norðausturkjördæmi. Því má ætla að Kristján Þór Júlíusson og Páll Magnússon muni þurfa að takast á um síðasta ráðherrastól flokksins og Jón Gunnarsson víki úr ríkisstjórn. Lilja Alfreðsdóttir er sögð hafa hug á menntamálunum, fái hún hvorki efnahagsmál né utanríkismál. Þá herma heimildir Fréttablaðsins að Sigurður Ingi Jóhannsson sé reiðubúinn að taka að sér sjó og land. Þriðji ráðherra flokksins verður væntanlega annaðhvort að norðan eða vestan. Þórunn Egilsdóttir er þó talin líklegri en Ásmundur Einar Daðason. Gert er ráð fyrir að málefnasamningur verði borinn undir þingflokka ásamt verkaskiptingu flokkanna og tillögu formanns um ráðherraefni hvers flokks síðar í vikunni. Samþykki allir þingflokkar stjórnarsáttmála yrði strax í kjölfar þeirra boðað til funda í viðeigandi stofnunum flokkanna með tveggja daga fyrirvara. Er nú miðað við að fundir þessir geti farið fram um næstu helgi. Verði ríkisstjórnarsamstarf samþykkt í stofnunum allra flokka við það tækifæri, má ætla að nýr forsætisráðherra óski eftir því að þing verði kallað saman 4. eða 5. desember og þá hefði ný ríkisstjórn viku til að setja mark sitt á fjárlög áður en leggja þarf þau fram við upphaf þings.
Alþingi Birtist í Fréttablaðinu Mest lesið Gummi Emil feginn að ekki fór verr eftir misheppnaðan sveppatúr Innlent Rússar gerðir afturreka með óvæntar tillögur á allsherjarþingi SÞ Erlent Gekk nakinn í veg fyrir bíla á Suðurlandsvegi Innlent Fimmti hver myndi helst velja að flytja til Danmerkur Innlent Ómetanleg vinátta eftir lífsbjörg Innlent Starfsmenn flýja framboð Robinson eftir „svartur nasisti“-hneykslið Erlent Tilkynnt um helst til ungan ökumann Innlent Verið að fara fram á rannsókn, ekki þöggun Innlent Trump útilokar að bjóða sig fram aftur Erlent Ánægður með frumvarp sjálfstæðismanna Innlent Fleiri fréttir Verið að fara fram á rannsókn, ekki þöggun Synjanir farið úr tíu prósentum upp í tæp sextíu á tveimur árum Gummi Emil feginn að ekki fór verr eftir misheppnaðan sveppatúr Fimmti hver myndi helst velja að flytja til Danmerkur Ómetanleg vinátta eftir lífsbjörg Tilkynnt um helst til ungan ökumann Óásættanlegt að vísa NPA-vandanum alfarið til sveitarfélaga Ánægður með frumvarp sjálfstæðismanna Bjarni fundaði með Guterres Tveggja bíla árekstur á Suðurlandsvegi Kom vini sínum til bjargar á fótboltaæfingu og 34. klukkustund Bakgarðshlaups Gekk nakinn í veg fyrir bíla á Suðurlandsvegi Verður Þórsmörk þjóðgarður? Vill burt með rándýr, úrelt og óþarfa stimpilgjöld Vonar að sveitarfélögin leysi úr NPA-vandanum Alþingismerkið hafi aldrei verið heilagt Fjármögnun NPA-samninga og Bakgarðshlaupið í beinni Samgöngusáttmálinn, Yazan og loftlagsmál á Sprengisandi Slegist með vopnum við skemmtistað Mættu í flugbúningi á sveitaböllin og áttu séns Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Sjá meira