Valur sigraði toppslaginn

Þrír leikir fóru fram í 11. umferð Domino's deildar kvenna í dag.

Valskonur styrktu stöðu sína á toppnum með sigri á Haukum, Breiðablik valtaði yfir Skallagrím og Keflavík fór létt með Stjörnuna.

Það var háspenna á lokamínútunum að Hlíðarenda í hvað hafði verið mjög kaflaskiptum leik.

Valur vann fyrsta leikhlutann 30-22, en Haukar komu til baka og unnu annan leikhluta örugglega, staðan 44-50 fyrir gestina í hálfleik.

Heimakonur skelltu í lás í þriðja leikhluta og skoruðu Haukar aðeins sjö stig, Valur fór með fjögurra stiga forystu inn í síðasta leikhlutann. Þær gáfu forystuna ekki eftir og fóru að lokum með tíu stiga sigur, 78-68.

Alexandra Petersen var atkvæðamest heimakvenna með 22 stig, fimm fráköst og níu stoðsendingar. Rósa Björk Pétursdóttir var stigahæst Hauka með 16 stig.

Í Smáranum var jafnt með liðunum í fyrri hálfleik, en heimakonur alltaf skrefinu á undan. Eftir fyrsta leikhluta var staðan 22-19 og leiddu 40-33 í hálfleik.

Breiðablik steig svo á bensíngjöfina í þriðja leikhluta og skoraði tvöfalt meira heldur en Skallagrímur, 24 stig á móti 12 og forystan orðin átján stig fyrir loka leikhlutann.

Eftir það var orðið næsta ómögulegt fyrir Borgnesinga að koma til baka. Gestirnir unni loka leikhlutann með fjórum stigum, en það dugði ekki til og fór Breiðablik með 84-68 sigur.

Ivory Crawford fór fyrir liði Breiðabliks, skoraði 37 stig, tók 11 fráköst, gaf fjórar stoðsendingar, stal fjórum boltum og varði tvö skot. Meira en helmingur stiga Skallagríms kom frá Carmen Tyson-Thomas, en hún skoraði 36 stig. 



Valur-Haukar 78-68 (30-22, 14-28, 17-7, 17-11)

Valur: Alexandra Petersen 22/5 fráköst/9 stoðsendingar, Kristrún Sigurjónsdóttir 13/5 fráköst, Hallveig Jónsdóttir 11/7 fráköst, Ragnheiður Benónísdóttir 9/4 fráköst, Elín Sóley Hrafnkelsdóttir 7/11 fráköst, Ásta Júlía Grímsdóttir 6/4 fráköst, Dagbjört Dögg Karlsdóttir 6, Guðbjörg Sverrisdóttir 4/6 fráköst.

Haukar: Rósa Björk Pétursdóttir 16/4 fráköst, Cherise Michelle Daniel 15/9 fráköst/5 stoðsendingar/5 stolnir, Anna Lóa Óskarsdóttir 14, Helena Sverrisdóttir 12/15 fráköst/11 stoðsendingar/6 stolnir, Þóra Kristín Jónsdóttir 5/6 fráköst, Ragnheiður Björk Einarsdóttir 4, Magdalena Gísladóttir 2/4 fráköst.

Breiðablik-Skallagrímur 84-68 (22-19, 18-15, 24-12, 20-22)

Breiðablik: Ivory Crawford 37/11 fráköst, Sóllilja Bjarnadóttir 20/4 fráköst, Isabella Ósk Sigurðardóttir 10/13 fráköst/5 stoðsendingar, Telma Lind Ásgeirsdóttir 7/12 stoðsendingar, Lovísa Falsdóttir 5, Auður Íris Ólafsdóttir 3/8 stoðsendingar, Inga Sif Sigfúsdóttir 2.

Skallagrímur: Carmen Tyson-Thomas 36/16 fráköst/10 stoðsendingar, Jóhanna Björk Sveinsdóttir 16/8 fráköst, Sigrún Sjöfn  Ámundadóttir 7/5 fráköst, Jeanne Lois Figueroa Sicat 4, Karen Munda Jónsdóttir 3, Bríet Lilja Sigurðardóttir 2/7 fráköst.