Cardi B gerði Jimmy Fallon orðlausan

Rapparinn Cardi B skráði nafn sitt í sögubækur tónlistarinnar á árinu þegar hún varð fyrsti kvenkyns rapparinn til að toppa bandaríska Billboard-vinsældalistann síðan Lauryn Hill var á toppnum árið 1998. 

Cardi hirti toppsætið af Taylor Swift með lagi sínu Bodak Yellow en Swift hafði verið á toppnum í þrjár vikur. Bodak Yellow kom út í júní. Cardi er sjálf höfundur lagsins og var nýlega tilnefnd til níu BET Hip Hop-verðlauna sem afhent voru í október. 

Cardi er aðeins fimmti kvenkyns rapparinn til þess að ná toppi vinsældalista Billboard. Hún vakti fyrst athygli á samfélagsmiðlunum Vine og Instagram þar sem hún byrjaði að deila myndum og myndböndum árið 2013.

Tónlistarkonan var í viðtali hjá Jimmy Fallon í vikunni og var viðtalið nokkuð skrautlegt.

Fallon er vanur mörgu en hann var hreinlega í stökustu vandræðum að taka viðtal við þennan skrautlega karakter.

Hér að neðan má sjá útkomuna.