Þau sóttu um embætti dómara við Héraðsdóm Reykjavíkur

Alls sótti 31 um embætti dómara við Héraðsdóm Reykjavíkur sem auglýst var laust til umsóknar 17. nóvember síðastliðinn. Umsóknarfrestur rann út 11. desember. Staðan losnaði í síðasta mánuði vegna starfsloka eins héraðsdómarans að sögn Jakobs R. Möller, formanns dómnefndar um hæfni umsækjenda.

Miðað er við að skipað verði í embættið frá og með 24. janúar 2018 eða hið fyrsta eftir að dómnefnd um hæfni umsækjenda um dómaraembætti hefur lokið störfum. Á næstu dögum mun nefndin koma saman og verður þá metið hæfi hvers og eins nefndarmanns til þess að leggja mat á umsækjendur að sögn upplýsingafulltrúa dómsmálaráðuneytisins.

Eftirtaldir aðilar sóttu um embætti héraðsdómara við Héraðsdóm Reykjavíkur:

1. Arnaldur Hjartarson, aðstoðarmaður dómara við EFTA-dómstólinn
2. Auður Björg Jónsdóttir, hæstaréttarlögmaður
3. Ásgeir Jónsson, hæstaréttarlögmaður
4. Ásgerður Ragnarsdóttir, hæstaréttarlögmaður
5. Bergþóra Ingólfsdóttir, hæstaréttarlögmaður
6. Bjarni Lárusson, hæstaréttarlögmaður
7. Bjarnveig Eiríksdóttir, héraðsdómslögmaður
8. Brynjólfur Hjartarson, lögfræðingur í samgöngu- og sveitarstjórnarráðuneytinu
9. Daði Kristjánsson, saksóknari hjá embætti ríkissaksóknara
10. Guðfinnur Stefánsson, aðstoðarmaður héraðsdómara
11. Guðmundína Ragnarsdóttir, héraðsdómslögmaður
12. Guðmundur Örn Guðmundsson, héraðsdómslögmaður
13. Hákon Þorsteinsson, aðstoðarmaður héraðsdómara
14. Helgi Sigurðsson, hæstaréttarlögmaður
15. Hrannar Hafberg, ráðgjafi Fiskistofu
16. Indriði Þorkelsson, hæstaréttarlögmaður
17. Ingiríður Lúðvíksdóttir, settur héraðsdómari
18. Jón Þór Ólason, héraðsdómslögmaður og lektor við Háskóla Íslands
19. Jónas Jóhannsson, hæstaréttarlögmaður
20. Nanna Magnadóttir, forstöðumaður úrskurðarnefndar um umhverfis- og auðlindamál
21. Ólafur Freyr Frímannsson, héraðsdómslögmaður
22. Pétur Dam Leifsson, dósent við lagadeild Háskóla Íslands
23. Ragnheiður E. Þorsteinsdóttir, héraðsdómslögmaður og lektor við Háskólann á Akureyri
24. Sigurður Jónsson, hæstaréttarlögmaður
25. Sonja María Hreiðarsdóttir, lögmaður hjá embætti borgarlögmanns
26. Sólveig Ingadóttir, aðstoðarmaður héraðsdómara
27. Stefanía Guðrún Sæmundsdóttir, saksóknari hjá embæti ríkissaksóknara
28. Stefán Erlendsson, héraðsdómslögmaður
29. Valborg Steingrímsdóttir, aðstoðarmaður héraðsdómara
30. Þórhildur Líndal, aðstoðarmaður héraðsdómara
31. Þórir Örn Árnason, héraðsdómslögmaður
    
    

Af ofantöldum umsækjendum voru sex metnir hæfastir í skipan átta héraðsdómara á dögunum og er því ljóst að fá þarf úr því skorið hvort það mat nefndarinnar taki gildi. Það eru þau Ásgerður Ragnarsdóttir, Bergþóra Ingólfsdóttir, Daði Kristjánsson, Helgi Sigurðsson, Ingiríður Lúðvíksdóttir og Pétur Dam Leifsson.

Settur dómsmálaráðherra í því máli, Guðlaugur Þór Þórðarson, óskaði eftir nánari upplýsingum nefndarinnar um matið og fékk í gær afhent bréf frá nefndinni þar sem helstu ástæður eru útlistaðar og fyrirspurnum ráðherrans svarað. 

Fréttin hefur verið uppfærð.