Fyrsta barn ársins kom í heiminn fyrir norðan

Fyrsta barn ársins hér á Íslandi kom í heiminn á Sjúkrahúsinu á Akureyri klukkan 3:15 í nótt.

Inga Vala Jónsdóttir, ljósmóðir á vakt, segir í samtali við Vísi að um dreng hafi verið að ræða og að fæðingin hafi gengið vel. Þetta er annað barn foreldranna sem búa á Akureyri.

Samkvæmt upplýsingum frá fæðingarvaktinni á Landspítalanum við Hringbraut kom fyrsta barn ársins þar í heiminn rétt fyrir klukkan sjö í morgun.

Fyrsta barn ársins 2017 kom í heiminn klukkan 0:03 á Heilbrigðisstofnun Suðurlands á Selfossi og vakti sérstaka athygli að móðir drengsins var sjálf fyrsta barn ársins 1980.