Sló í gegn í kápu eftir Stellu McCartney

Tilvonandi brúðhjónin Harry Bretaprins og leikkonan Meghan Markle halda áfram að heilla bresku þjóðina í opinberum heimsóknum sínum en í vikunni heimsóttu þau skóla í Cardiff í Wales. 

Þeim var fagnað eins og rokkstjörnum og greinilega í miklu uppáhaldi hjá fólki. Markle var klædd í svarta kápu með skemmtilegri slaufu um mittið frá Stellu McCartney, sem kostar tæpar 200 þúsund íslenskar krónur. Ef marka má vinsældir hennar þá mun kápan seljast upp ansi fljótt. Þá var hún í köflóttum topp með berar axlir og með flöskugræna leðurtösku frá merkinu DeMellier, sem kostar um 45 þúsund íslenskar krónur. 

Það verður eitthvað að fylgjast með brúðkaupundirbúningnum en það fer fram í vor - mun Hollywood mæta og verður það sýnt í beinni? Tíminn leiðir það í ljós og við fylgjumst með. Markle virðist allavega vera mjög sátt við þetta nýja hlutverk.