Þrjár pöndur réðust á snjókarl

Óhætt er að segja að snjókarlinn sem starfsmen dýragarðsins í Toronto gerðu fyrir pöndurnar sem þar búa hafi átt betri daga.

Dýragarðurinn hefur birt myndefni þar sem sjá má pöndurnar Er Shun, Jia Panpan og Jia Yueyue ráðast á snjókarlinn. Sjá má hvernig pöndurnar láta höggin dynja á snjókarlinum áður en að ein þeirra sest hreinlega ofan á hann.

Sem betur fer fyrir snjókarlinn virðast þeir þó fljótt hafa fengið leið á því að leika sér að honum, því að í lok myndbandsins má sjá hvernig þeir hlaupa í burtu til þess að fara að klóra hver annarri.