Lygileg saga frá því þegar Margot Robbie hitti Ellen í fyrsta skipti

Ástralska leikkonan Margot Robbie mætti í fyrsta sinn í spjallþátt Ellen í vikunni og ræddu hún um brúðkaupsferð sína.

Það sem gerir söguna mjög skemmtilega er að hún fjallar í raun um það þegar Margot Robbie hitti Ellen Degeneres í fyrsta skipti.

Það gerðist einmitt í brúðkaupsferð Robbie og Tom Ackerley, sem giftu sig árið 2016. Hjónin voru þá stödd á fallegri eyju og ætluðu að skella sér í ræktina einn daginn. Ackerley var aftur á móti ekki með mikið magn af líkamsræktarklæðnaði með sér og varð hann að klæða sig í vægast sagt litlar stuttbuxur. Svo litlar að það sást í raun í hans heilagasta.

Robbie sagði þá við eiginmann sinn: „Þú getur ekki verið í þessu, það sést í allt.“

Þá svaraði Ackerley: „Þetta skiptir engu máli. Það er ekki eins og við séum að fara hitta einhvern.“

Því næst labba þau saman inn í líkamsræktarstöðina og fyrsta manneskjan sem þau sjá er einmitt Ellen á hlaupabrettinu og eiginkona hennar Portia de Rossi. Ekki nóg með það, þá var Barack Obama, fyrrum Bandaríkjaforseti einnig á svæðinu.

Hér að neðan má hlusta á sögu Margot Robbie.